ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະການລົງທຶນ, ເນັ້ນໜັກໃຫ້ຄະນະນຳແຂວງຫຼວງນ້ຳທາເອົາໃຈໃສ່ໃນການກວດກາຄົນເຂົ້າ-ອອກລະຫວ່າງຜ່ານດ່ານບໍ່ເຕ່ນ-ບໍ່ຫານໃນໄລຍະການເວລາຂອງພະບາດCOVID-19

20/06/2020

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະການລົງທຶນ, ເນັ້ນໜັກໃຫ້ຄະນະນຳແຂວງຫຼວງນ້ຳທາເອົາໃຈໃສ່ໃນການກວດກາຄົນເຂົ້າ-ອອກລະຫວ່າງຜ່ານດ່ານບໍ່ເຕ່ນ-ບໍ່ຫານໃນໄລຍະການເວລາຂອງພະບາດCOVID-19

     ແຂວງຫຼວງນ້ຳທາເປັນອີກແຂວງໜື່ງທີ່ມີຄວາມສ່ຽງສູງຕໍ່ການລະບາດເຊື້ອພະຍາດໂຄວິດ-19, ເນື່ອງຈາກວ່າມີຊາຍແດນຕິດຈອດກັບ ສປ ຈີນ, ເຖີງວ່າຈະມີການປິດດ່ານລະຫວ່າງປະເທດຫ້າມນັກທ່ອງທ່ຽວເຂົ້າ-ອອກກໍຕາມ,ແຕ່ການຂົນສົ່ງສີນຄ້າກໍມີຄວາມຈຳເປັນ,ດັ່ງນັ້ນເຈົ້າໜ້າທີ່ສອງຝ່າຍຕ້ອງໄດ້ເຂັ້ມງວດໃນການກວດກາຄົນເຂົ້າອອກ(ໂດຍສະເພາະແມ່ນຄົນຂັບລົດ)ຖ້າກວດພົບວ່າມີເຊື້ອພະຍາດCOVID-19. ແມ່ນໃຫ້ປະຕິບັດຕາມຫຼັກການສາກົນເພື່ອສະກັດກັ້ນການແຜ່ລະບາດຂອງເຊື້ອພະຍາດດັ່ງກ່າວ, ດ່ານສາກົນບໍ່ເຕ່ນມີຈຸດທີ່ຕັ້ງ ເປັນສອງຈຸດ :ມີດ່ານກວດກາຄົນເຂົ້າ-ອອກເມືອງມີເນື້ອທີ່ປະມານ 6,50 ເຮັກຕາ ແລະກັົງຈັກການຈັດຕັ້ງຂອງດ່ານສາກົນບໍ່ເຕ່ນປະກອບມີ 10 ຫນ່ວຍງານ,ໃນນັ້ນມີ, ຫນ່ວຍງານຕໍາຫຼວດປະຈໍາດ່ານ ມີຫນ້າທີ່ຮັກສາຄວາມສະຫງົບ, ກວດກາຄົນ, ພາຫະນະເຂົ້າ-ອອກເມືອງແລະປື້ມຜ່ານແດນ, ຫນ່ວຍງານພາສີ, ຫນ່ວຍງານກະສິກໍາມີຫນ້າທີ່ກວດກາ ແລະເກັບຕົວຢ່າງເພື່ອວິໄຈ, ເຝົ້າລະວັງພະຍາດພຶດ, ພະຍາດສັດລະບາດ, ຫນ່ວຍງານໂຍທາທິການ ແລະຂົນສົ່ງ, ຫນ່ວຍງານວີຊາກັບດ່ານເພື່ອຕໍ່ວີຊາໃຫ້ແກ່ນັກທ່ອງທ່ຽວຕ່າງປະເທດ, ຫນ່ວຍງານສາທາລະນາສຸກມີດ່ານກວດກາສິນຄ້າປະເພດອາຫານສໍາເລັດຮູບ, ຢາປົວພະຍາດ, ແລະເຄື່ອງສໍາອາງທີ່ນໍາເຂົ້າ ແລະສົ່ງອອກ, ຫນ່ວຍງານການທ່ອງທ່ຽວ; ຫນ່ວຍງານຈົດທະບຽນສິນຄ້ານໍາເຂົ້າ ແລະສົ່ງອອກ ແລະຫນ່ວຍງານບໍລິການທະນາຄານພັດທະນາລາວເຮັດໜ້າທີບໍລິການເກັບເງິນຄ່າທໍານຽມ ແລະຄ່າບໍລິການຢູ່ດ່ານ;

     ໂອກາດນີ້  ທ່ານ ສອນໄຊ ສີພັນດອນ ຮອງນາຍຍົກລັດຖະມົນຕີ ລັດຖະມົນຕີ ກະຊວງແຜນການ ແລະ ການລົງທືນ ໄດ້ເນັ້ນໃຫ້ການນຳຂອງແຂວງໂດຍສະເພາະແມ່ນເຈົ້າໜ້າທີ່ປະຈຳດ່ານເອົາໃຈໃສ່ໃນການປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ; ຖ້າມີການກວດພົບຜູ້ຕ້ອງສົງໃສຕິດເຊື້ອພະຍາດແມ່ນຕ້ອງລາຍງານສະພາບໃຫ້ໜ່ວຍງານທີ່ກ່ຽວຂ້ອງໄດ້ຮັບຮູ້ໂດຍໄວເພື່ອຊອກວິທີທາງແກ້ໄຂໃຫ້ທັນສະພາບການ, ເຈົ້າໜ້າທີ່ຂອງສອງປະເທດຕ້ອງໄດ້ປະສານງານຮ່ວມກັນໃຫ້ຫຼາຍຂື້ນໃນການກວດກາຄົນເຂົ້າອອກລະຫວ່າງປະເທດລວມເຖີງການອຳນວຍຄວາມສະດວກໃຫ້ແກ່ລົດຂົນສົ່ງສີນຄ້າລະຫວ່າງສອງປະເທດລາວ-ຈີນ.

 

 

 

ສູນບໍລິການຂໍ້ມູນສະຖິຕິ
ວິໄສທັດຮອດປີ2030 ແລະ ຍຸດທະສາດພັດທະນາເສດຖະກິດ-ສັງຄົມໄລຍະ10ປີ (2016-2025)
ຫ້ອງການບໍລິການ ການລົງທຶນປະຕູດຽວ
ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ