ກອງປະຊຸມຄົບຄະນະບໍລິຫານງານພັກ ເປີດກວ້າງ ຄັ້ງທີ 9 ສະໄໝທີ IV ກະຊວງ ຜທ.

by | Aug 16, 2022 | Uncategorized @lo-la, ການເຄື່ອນໄຫວ, ຂ່າວເດັ່ນ | 0 comments

ໃນ​ວັນ​ຈັນ, ວັນທີ 08 ​ສິງຫາ 2022 ຢູ່ທີ່ກະຊວງແຜນການ ແລະ ການລົງທຶນ ໄດ້ເປີດກອງປະຊຸມຄົບຄະນະບໍລິຫານງານພັກ ເປີດກວ້າງ ຄັ້ງທີ 9 ສະໄໝທີ IV (6 ເດືອນຕົ້ນປີ 2022) ກະຊວງແຜນການ ແລະ ການລົງທຶນ ຂຶ້ນ ເປັນເວລາ 1 ວັນເຕັມ. ພາຍໃຕ້ການເປັນປະທານຂອງ ສະຫາຍ ຄໍາເຈນ ວົງໂພສີ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ ກະຊວງແຜນການ ແລະ ການລົງທຶນ.

ຜູ້ເຂົ້າຮ່ວມກອງ​ປະຊຸມໃນຄັ້ງນີ້ມີ ສະຫາຍຮອງເລຂາຄະນະບໍລິຫານງານພັກ, ບັນດາສະຫາຍຄະນະປະຈໍາພັກ, ຄະນະບໍລິຫານງານພັກກະຊວງ, ບັນດາສະຫາຍເລຂາ-ຮອງເລຂາ-ຄະນະໜ່ວຍພັກ ແລະ ຫົວໜ້າ-ຮອງຫົວໜ້າກົມ ພາຍໃນກະຊວງແຜນການ ​ແລະ ການ​ລົງທຶນ ເຂົ້າຮ່ວມ​ທັງໝົດປະມານ 80 ສະຫາຍ;

ໃນການດໍາເນີນກອງປະຊຸມໃນຄັ້ງນີ້ ໄດ້ພ້ອມກັນ ຮັບຟັງການເຜີຍແຜ່, ເຊື່ອມຊຶມ ມະຕິກອງປະຊຸມຄົບຄະນະບໍລິຫານງານ ສູນກາງພັກ ຄັ້ງທີ 4 ສະໄໝທີ XI; ມະຕິວ່າດ້ວຍການແບ່ງຄວາມຮັບຜິດຊອບໃນການຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດມະຕິຂອງສະພາແຫ່ງຊາດຂອງລັດຖະບານ;  ຜ່ານ ຂໍ້ຕົກລົງການແບ່ງວຽກ ລະຫວ່າງ ນາຍົກ ແລະ ຮອງນາຍົກລັດຖະມົນຕີ ສະບັບເລກທີ 58/ນຍ, ລົງວັນທີ 25/7/2022, ສະຫຼຸບຕີລາຄາການນໍາພາ-ຊີ້ນໍາວຽກງານຮອບດ້ານຂອງຄະນະບໍລີຫານງານພັກກະຊວງແຜນການ ແລະ ການລົງທຶນ ໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2022, ປັບປຸງກົງຈັກການຈັດຕັ້ງ ຂອງຂະແໜງແຜນການ ແລະ ການລົງທຶນ ໃຫ້ສອດຄ່ອງກັບສະພາບຄວາມເປັນຈິງຂອງວຽກງານໃນໄລຍະໃໝ່, ເພື່ອຍົກສູງຄວາມຮັບຜິດຊອບຂອງບັນດາສະຫາຍຄະນະພັກ, ຄະນະນໍາແຕ່ລະຂັ້ນ, ເສີມຂະຫຍາຍຫົວຄິດປະດິດສ້າງ, ພ້ອມກັນນໍາພາ-ຊີ້ນໍາ ວຽກງານ ໃນຂະແໜງແຜນການ ແລະ ການລົງທຶນ ພວກເຮົາ ໃຫ້ມີການຫັນປ່ຽນໃໝ່ດີຂຶ້ນກວ່າເກົ່າ. ນອກຈາກນີ້, ໄດ້ມີພິທີປະກາດການຈັດຕັ້ງ ພາຍໃນກະຊວງແຜນການ ແລະ ການລົງທຶນ.

ກອງປະຊຸມໃນຄັ້ງນີ້ ໄຂຂຶ້ນ​ໃນ​ທ່າມກາງບັນຍາກາດ​ທີ່​ມີ​ຄວາມໝາຍ​ສໍາຄັນ​ທາງ​ດ້ານ​ປະ ຫວັດສາດຂອງ​ຊາດ, ທີ່​ທົ່ວ​ພັກ, ທົ່ວກຳລັງປະກອບອາວຸດ ​ແລະ ທົ່ວປວງ​ຊົນລາວ​ທັງ​ຊາດ ພວມອອກ ແຮງແຂ່ງຂັນກັນ​ຈັດຕັ້ງຜັນ​ຂະ ຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ 5 ປີ ຄັ້ງທີ IX (2021-2025), ໂດຍສະເພາະທົ່ວຂະແໜງ ແຜນການ ແລະ ການລົງທຶນ ສຶບຕໍ່ຕັ້ງໜ້າຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງແຜນການ ແລະ ການລົງທຶນ ແລະ ບັນດາມະຕິກອງປະຊຸມຄົບຄະນະບໍລິຫານງານພັກແຕ່ລະຂັ້ນ.