ກອງປະຊຸມປຶກສາຫາລືລະດັບຊາດ ກ່ຽວກັບສັນຍາການສະໜອງທຶນ ຂອງ ອົງການສະຫະປະຊາຊາດ

ວັນທີ 08 ເມສາ 2025, ກະຊວງ​ແຜນການ ​ແລະ ການ​ລົງທຶນ ຮ່ວມ​ກັບ ອົງການ​ສະຫະ​ປະຊາ​ຊາດ ປະຈຳ ສປປ ລາວ ໄດ້ຈັດກອງປະຊຸມປຶກສາຫາລືລະດັບຊາດ ກ່ຽວກັບສັນຍາການສະໜອງທຶນຂອງ ອົງການສະຫະປະຊາຊາດ ຂື້ນ, ທີ່ ໂຮງແຮມດັບເບີ້ນທຣີ, ນະຄອນຫຼວງ​ວຽງ​ຈັນ. ໂດຍການເປັນປະທານຮ່ວມຂອງ ທ່ານ ນາງ ພອນວັນ ອຸທະວົງ, ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ບັກໂຮເດັຍ ເບີຄະນ໋ອຟ, ຜູ້ປະສານງານອົງການສະຫະ​ປະຊາ​ຊາດ ປະຈໍາ ສປປ ລາວ, ມີບັນດາທ່ານເອກອັກຄະລັດຖະທູດ, ຜູ້ຕາງຫນ້າອົງການຈັດຕັ້ງສາກົນ ແລະຄູ່ຮ່ວມພັດທະນາ, ບັນດາທ່ານຫົວຫນ້າ/ຮອງຫົວຫນ້າຫ້ອງການ, ບັນດາທ່ານຫົວຫນ້າ, ທ່ານຮອງຫົວຫນ້າກົມ, ຜູ້ຕາງຫນ້າຈາກກະຊວງຂະແຫນງການ, ອົງການຈັດຕັ້ງສາກົນທີ່ບໍ່ສັງກັດລັດຖະບານ ​ແລະ ພາກເອກະຊົນ ​ເຂົ້້າ​ຮ່ວມ. ​ເຊິ່ງຈຸດປະສົງໃນກອງປະຊຸມຄັ້ງນີ້ ແມ່ນເພື່ອ: (1) ຮັບປະກັນຄວາມຮັບຮູ້ ແລະ ຄວາມເຂົ້າໃຈກ່ຽວກັບຄໍາ ຫມັ້ນສັນຍາໃນການສະຫນອງທຶນ ໃຫ້ແກ່ພາກສ່ວນກ່ຽວຂ້ອງ; (2). ປຶກສາຫາລື ກ່ຽວກັບບັນດາບູລິມະສິດ ຕົ້ນຕໍຂອງ ລັດຖະບານ ສປປ ລາວ; ແລະ (3). ນໍາສະເຫນີຂໍ້ມູນຫຼ້າສຸດ ກ່ຽວກັບທ່າອ່ຽງການພັດທະນາ ລວມ ທັງ ສະເຫນີບັນດາແຜນງານຮ່ວມທີ່ ອົງການສະຫະປະຊາຊາດ ຈະສະໜອງທຶນ