ກອງປະຊຸມວຽກງານກວດກາ ຂອງ ຄະນະກວດກາພັກຮາກຖານ, ຜູ້ກວດກາໜ່ວຍພັກ ພາຍໃນ ກຜທ ປະຈຳໄຕມາດ III ປີ 2020

by | Oct 21, 2020 | ການເຄື່ອນໄຫວ | 0 comments

ໃນວັນທີ 16 ຕຸລາ 2020 ກະຊວງແຜນການ ແລະ ການລົງທຶນ ໄດ້ຈັດຕັ້ງກອງປະຊຸມວຽກງານກວດກາ ຂອງ ຄະນະກວດກາພັກ ປະຈຳປີໄຕມາດ III ແລະ ທິດທາງແຜນການປະຈຳໄຕມາດ IV ໂດຍການເປັນປະທານ ຂອງ ສະຫາຍ ນາງ ຄຳຈັນວົງ ແສນບູນ, ຮອງເລຂາຄະນະບໍລິຫານງານພັກ, ຮອງລັດຖະມົນຕີ ກະຊວງ ຜທ ຜູ້ຊີ້ນຳວຽກງານກວດກາ, ມີບັນດາສະຫາຍຮອງປະທານຄະນະກວດກາພັກ ກະຊວງ, ຜູ້ກວດກາຂອງບັນດາໜ່ວຍພັກອ້ອມຂ້າງ ກະຊວງ ຜທ ແລະ ສະມາຊິກພັກສົມບູນ, ສະມາຊິພັກສຳຮອງ ຂອງໜ່ວຍພັກກົມກວດກາເຂົ້້າຮ່ວມທັງໝົດ 29 ສະຫາຍ ຍິງ 10 ສະຫາຍ.

ຕາງໜ້າຄະນະກວດກາພັກກະຊວງ ໄດ້ສະຫຼຸບການເຄື່ອນໄຫວວຽກງານກວດກາຂອງຄະນະກວດກາພັກ ປະຈຳປີ ໄຕມາດ III ແລະ ທິດທາງແຜນການປະຈຳໄຕມາດ IV ແລະ ຜູ້ກວດກາບັນດາໜ່ວຍພັກໄດ້ພັດປ່ຽນກັນຂຶ້ນລາຍງານຫຍໍ້ ສະພາບການຕິດຕາມ, ກວດກາການເຄື່ອນໄຫວວຽກງານໃນໄລຍະຜ່ານມາ ຂອງ ສະມາຊິກພັກພະນັກງານພາຍໃນໜ່ວຍພັກຂອງຕົນ ຢ່າງກົງໄປກົງມາ ດ້ວຍຄວາມຮັບຜິດຊອບສູງ.

ສະຫາຍ ນາງ ຄຳຈັນວົງ ແສນບູນຮອງເລຂາຄະນະບໍລິຫານງານພັກລັດຖະມົນຕີ ກະຊວງ ຜທ ຜູ້ຊີ້ນຳວຽກງານກວດກາ, ໄດ້ຮຽກຮ້ອງໃຫ້ບັນດາສະຫາຍຜູ້ກວດກາບັນດາໜ່ວຍພັກ ເພິ່ມທະວີຄວາມເອົາໃຈໃສ່ໃນການ ຕິດຕາມ-ກວດກາການເຄື່ອນໄຫວ ຂອງສະມາຊິກພັກທີ່ຂຶ້ນກັບສິດຄຸ້ມຄອງຂອງຕົນ ໃນການປະຕິບັດກົດລະບຽບພັກ, ໜ້າທີ່ ແລະ ຄວາມຮັບຜິດຊອບການເມືອງ ທີ່ໄດ້ຮັບມອບໝາຍ ແລະ ເອົາໃຈໃສ່ຝຶກຝົນຫຼໍ່ຫຼອມ ແລະ ຮັກສາທາດແທ້ຄຸນສົມບັດສິນທຳປະຕິວັດ, ແບບແຜນວິທີເຮັດວຽກ, ແບບແຜນດຳລົງຊີວິດ, ນ້ຳໃຈເສຍສະຫຼະ ຄວາມບໍລິສຸດສັດຊື່.