ວັນທີ 26 ກຸມພາ 2021, ຄະນະກໍາມະການຕ້ານການຄ້າມະນຸດລະດັບຊາດ ໄດ້ຈັດ ກອງປະຊຸມສະຫຼຸບການຈັດຕັ້ງປະຕິບັດວຽກງານຕ້ານການຄ້າມະນຸດ 05 ປີ (2016-2020) ແລະ ແຜນການປີ 2021-2025
ພາຍໃຕ້ການເປັນປະທານຂອງ ທ່ານ ປອ ສອນໄຊ ສີພັນດອນ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກຳມະການຕ້ານການຄ້າມະນຸດລະດັບຊາດ, ມີບັນດາທ່ານຮອງປະທານຄະນະກຳມະການຕ້ານຄ້າມະນຸດລະດັບຊາດ, ຄະນະກຳມະການຕ້ານການຄ້າມະນຸດລະດັບຊາດ, ຄະນະກຳມະການຕ້ານການຄ້າມະນຸດຂັ້ນແຂວງ, ນະຄອນຫຼວງວຽງຈັນ, ບັນດາສະມາຊິກກອງເລຂາຄະນະກຳມະການຕ້ານການຄ້າມະນຸດ ແລະ ແຂກຖືກເຊີນເຂົ້າຮ່ວມ. ກອງປະຊຸມໄດ້ຮັບຟັງການຜ່ານບົດສະຫຼຸບ 05 ປີ (2016-2020) ແລະ ແຜນການ 05 ປິ (2021-2025) ວຽກງານຄ້ານການຄ້າມະນຸດ ແລະ ການປະກອບຄໍາເຫັນຈາກພາກສ່ວນຕ່າງໆກ່ຽວກັບການຈັດຕັ້ງປະຕິບັດວຽກງານຕ້ານການຄ້າມະນຸດໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ, ແລະໄດ້ຈັດພິທີຍ້ອງຍໍຜົນງານ 5 ປີ ແຕ່ (2016-2020) ກ່ຽວກັບການຈັດຕັ້ງປະຕິບັດວຽກງານຕ້ານການຄ້າມະນຸດ ໃຫ້ແກ່ບຸກຄົນ, ກົມກອງ ທີ່ຈັດຕັ້ງປະຕິບັດວຽກງານຕ້ານການຄ້າມະນຸດ ໃນໄລຍະຜ່ານມາ.
