ກະຊວງແຜນການ ແລະ ການລົງທຶນ ຈັດກິດຈະກຳປູກຕົ້ນໄມ້ ເນື່ອງໃນວັນເດັກນ້ອຍສາກົນ ແລະ ວັນປູກຕົ້ນໄມ້

by | May 31, 2022 | ການເຄື່ອນໄຫວ, ຂ່າວເດັ່ນ | 0 comments

ໃນຕອນເຊົ້າວັນທີ 28 ພຶດສະພາ 2022, ທີ່ບ້ານດົງໝາກຄາຍ ເມືອງໄຊທານີ ນະຄອນຫຼວງວຽງຈັນ, ກະຊວງແຜນການ ແລະ ການລົງທຶນ ໄດ້ຈັດກິດຈະກຳປູກຕົ້ນໄມ້ເນື່ອງໃນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ 2022, ໂດຍມີຄະນະພັກ, ຄະນະນໍາ, ພະນັກງານຫຼັກແຫຼ່ງ ແລະ 3 ອົງການຈັດຕັ້ງມະຫາຊົນເຂົ້າຮ່ວມຢ່າງຟົດຟື້ນ.

ທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ ໄດ້ມີຄຳເຫັນຕໍ່ງານປູກຕົ້ນໄມ້ຄັ້ງນີ້ວ່າ: ພວກເຮົາມາເຕົ້າໂຮມກັນເພື່ອປູກຕົ້ນໄມ້ໃນມື້ນີ້ດ້ວຍຈຸດປະສົງເພື່ອພ້ອມກັນຫວນຄືນເຖິງຄວາມສຳຄັນ ແລະ ຄວາມເອົາໃຈໃສ່ ຂອງການນຳພັກ-ລັດ ຕໍ່ການພັດທະນາ ແລະ ຄຸ້ມຄອງຊັບພະຍາກອນປ່າໄມ້ຢູ່ປະເທດເຮົາ, ປ່າໄມ້ ແລະ ຊັບພະຍາກອນປາໄມ້ແມ່ນມີຄວາມສຳຄັນຫຼາຍຕໍ່ກັບການພັດທະນາເສດຖະກິດ-ສັງຄົມຂອງຊາດ, ການປົກປັກຮັກສາສິ່ງແວດລ້ອມກໍຄືການປັບປຸງຊີວິດການເປັນຢູ່ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າ ແລະ ທັງເປັນການປູກຕົ້ນໄມ້ເພື່ອຕ້ອນຮັບໃນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ 2022 ທີ່ຈະມາເຖິງນີ້ ຂະບວນການປູກຕົ້ນໄມ້ໃນຄັ້ງນີ້ ແມ່ນສຸມໃສ່ປູກທົດແທນ ແລະ ບົວລະບັດຮັກສາຕົ້ນໄມ້ທີ່ໄດ້ປູກຢູ່ໃນຂອບເຂດພື້ນທີ່ດີນທີໄດ້ຮັບການແບ່ງປັນໃຫ້ຄຸ້ມຄອງ-ນຳໃຊ້ຂອງກະຊວງແຜນການ ແລະ ການລົງທຶນ ທີ່ບ້ານດົງໝາກຄາຍ ແລະ ເປັນອີກກິດຈະກຳໝື່ງ ທີ່ສຳຄັນ້ພື່ອສ້າງຂະບວນການຕ້ອນຮັບວັນສຳຄັນຂອງພັກ-ລັດ.