ໃນຕອນແລງວັນທີ 26 ກັນຍາ 2024, ທີ່ກະຊວງແຜນການ ແລະ ການລົງທຶນ, ໄດ້ຈັດພິທີ ມອບ-ຮັບ ເງິນຊ່ວຍເຫຼືອຜູ້ປະສົບໄພພິບັດນໍ້າຖ້ວມ ຢູ່ ບັນດາແຂວງພາກເໜືອ, ເປັນກຽດເຂົ້າຮ່ວມໂດຍທ່ານ ເພັດ ພົມພິພັກ ກຳມະການສູນກາງພັກ, ລັດຖະມົນຕີ ກະຊວງແຜນການ ແລະ ການລົງທຶນ ມີບັນດາທ່ານ ຫົວໜ້າຫ້ອງການ, ຫົວໜ້າກົມ, ຮອງກົມ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງຂອງການເຕົ້າໂຮມກັນມື້ນີ້ແມ່ນ ເພື່ອຮັບການສະໜັບສະໜູນຊ່ວຍເຫຼືອຈາກບັນດາບໍລິສັດ ທີ່ໃຫ້ການຊ່ວຍເຫຼືອຜົນກະທົບຈາກໄພພິບັດນໍ້າຖ້ວມ ຢູ່ບັນດາແຂວງພາກເໜືອ, ເຊີ່ງໄດ້ຮັບການຊ່ວຍເຫຼືອ ຈາກ 7 ບໍລິສັດ ລວມເປັນເງິນທັງໝົດ 1 ຕື້ 750 ລ້ານກີບ ໃນນັ້ນປະກອບມີ:
- ບໍລິສັດ ພົງຊັບທະວີ ສະໜັບສະໜູນ ຈຳນວນ 500 ລ້ານກີບ.
- ບໍລິສັດ ລາວ-ຈີນ ແຊັງຫົວລົງທຶນພະລັງງານໄຟຟ້າ ຈຳກັດ ຜູ້ດຽວ ສະໜັບສະໜູນ ຈຳນວນ 350 ລ້ານກີບ.
- ບໍລິສັດ ຫົວຂອງ ຈຳກັດ ຜູ້ດຽວ ສະໜັບສະໜູນ ຈຳນວນ 300 ລ້ານກີບ.
- ບໍລິສັດ ໄຊຊະນະ ຈຳກັດ ຜູ້ດຽວ ສະໜັບສະໜູນ ຈຳນວນ 250 ລ້ານກີບ.
- ບໍລິສັດ ກຸມດວງຈະເລີນ ພັດທະນາກໍ່ສ້າງ ຈຳກັດ ຜູ້ດຽວ ສະໜັບສະໜູນ ຈຳນວນ 150 ລ້ານກີບ.
- ບໍລິສັດ ຄູນຄຳ ອຸດສາຫະກຳ ຈຳກັດ ຜູ້ດຽວ ສະໜັບສະໜູນ ຈຳນວນ 150 ລ້ານກີບ.
- ບໍລິສັດ ເອເຊຍລົງທຶນ ພັດທະນາ ແລະ ກໍ່ສ້າງ ຈຳກັດ ຜູ້ດຽວ ສະໜັບສະໜູນ ຈຳນວນ 100 ລ້ານກີບ.
ໃນໂອກາດ ທ່ານ ເພັດ ພົມພິພັກ ລັດຖະມົນຕີ ກະຊວງແຜນການ ແລະ ການລົງທຶນ ໄດ້ມອບໃບຍ້ອງຍໍໃຫ້ແກ່ບັນດາບໍລິສັດ ດັ່ງກ່າວ ພ້ອມທັງສະແດງຄວາມຂອບໃຈຢ່າງຍິ່ງຕໍ່ບັນດາບໍລິສັດທີ່ໃຫ້ການສະໜັບສະໜູນຊ່ວຍເຫຼືອ ບັນດາແຂວງພາກເໜືອ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວນ ເພື່ອປົວແປງຊິວິການເປັນຢູ່ຂອງປະຊາຊົນ ແລະ ຍັງກ່າວຕື່ມວ່າ ຈຳນວນເງິນທີ່ໄດ້ຮັບໃນຄັ້ງນີ້ຈະນຳໄປມອບໃຫ້ກັບບັນດາຄະນະຮັບຜິດຊອບໄພພິບັດຂອງແຂວງ ແລະ ອີກຈຳນວນໜື່ງແມ່ນຈະໄປມອບໃຫ້ບັນດາຄອບຄົວຜູ້ທີ່ຖືກເຄາະຮ້າຍໃນຄັ້ງນີ້.
