ກະຊວງແຜນການ ແລະ ການລົງທຶນລົງທຶນໄດ້ ເປິດກອງປະຊຸມ ຄົບຄະນະບໍລິຫານງານພັກ ຄັ້ງທີ 6 ສະໄໝທີ IV ປະຈໍາປີ 2021

by | Oct 21, 2021 | ການເຄື່ອນໄຫວ | 0 comments

ໃນວັນທີ 14-15 ຕຸລາ 2021 ທີ່ ກະຊວງແຜນການ ແລະ ການລົງທຶນລົງທຶນໄດ້ ເປິດກອງປະຊຸມຄົບຄະນະບໍລິຫານງານພັກ ຄັ້ງທີ 6 ສະໄໝທີ IV ປະຈໍາປີ 2021 ໃຫ້ກຽດເປັນປະທານກອງປະຊຸມໂດຍ ທ່ານ ສອນໄຊສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ເລຂາຄະນະບໍລິຫານງານພັກ, ລັດຖະມົນ ຕີກະຊວງແຜນການ ແລະ ການລົງທຶນ; ໂດຍມີ ທ່ານ ຮອງເລຂາຄະນະບໍລິຫານງານພັກ, ຄະນະປະຈໍາພັກ, ຄະນະບໍລິຫານງານພັກ ແລະ ກອງເລຂາຊ່ວຍວຽກເຂົ້າຮ່ວມ.

ກອງປະຊຸມໃນຄັ້ງນີ້ ມີຈຸດປະສົງ ເພຶ່ອສະຫຼຸບ-ຕີລາຄາການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິ, ຄໍາສັ່ງຕ່າງໆຂອງຂັ້ນເທິງ ແລະ ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກ ກະຊວງ ຜທ ໃນໄລຍະ 1 ປີ ຜ່ານມາ(10/2020-10/2021) ແລະ ວາງທິດທາງແຜນການ ປະຈໍາໄຕມາດ 4 ປີ 2021 ແລະ 2022 ເພຶ່ອສຸມໃສ່ດຳເນີນຊິວິດການເມືອງ, ສຳຫຼວດກວດກາ, ຕີລາຄາ ການນຳພາ-ຊີ້ນຳ ວຽກງານຮອບດ້ານ ຂອງ ຄະນະບໍລິຫານງານພັກກະຊວງ, ຄະນະນຳ ແລະ ບັນດາສະຫາຍສະມາຊິກພັກທັງໝົດ ໃນທົ່ວ ອົງຄະນະພັກ ກະຊວງ ຜທ ໃນໄລຍະ 1 ປີຜ່ານມາ, ຍົກໃຫ້ເຫັນດ້ານດີທີ່ຄວນຊຸກຍູ້ສົ່ງເສີມ ແລະ ຊອກໃຫ້ເຫັນຈຸດອ່ອນ-ຂໍ້ຄົງຄ້າງເພຶ່ອຈະປັບປຸງແກ້ໄຂໃນຕໍ່ຫນ້າ ເພຶ່ອສຶບຕໍ່່ປັບປຸງກໍ່ສ້າງພັກໃຫ້ໜັກແໜ້ນທາງດ້ານການເມືອງ, ເປັນເອກະພາບທາງດ້ານແນວຄິດ, ເຂັ້ມແຂງທາງດ້ານການຈັດຕັ້ງ ແລະ ມີແບບແຜນນຳພາຖືກຕ້ອງ ພ້ອມທັງເປັນການສ້າງໜ່ວຍພັກ ແລະ ສະມາຊິກພັກໃຫ້ຄວາມປອດໃສ, ເຂັ້ມແຂງ, ໜັກແໜ້ນ.