ໃນວັນທີ 24 ຕຸລາ 2020 ກະຊວງແຜນການ ແລະ ການລົງທຶນ ໄດ້ມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ແຂວງສະຫວັນນະເຂດ ໂດຍຕາງໜ້າມອບໂດຍ ທ່ານ ຄຳເຜີຍ ແກ້ວກິນນາລີ ຮອງປະທານ, ຜູ້ປະຈໍາການ ຄະນະກຳມະການຮ່ວມມືລາວ-ຫວຽດນາມ ແລະ ຕາງໜ້າຮັບໂດຍ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງແຂວງສະຫວັນນະເຂດ ແລະ ທ່ານ ສົມບັດ ອິດທະວົງ ຮອງເຈົ້າເມືອງເມືອງເຊໂປນ. ເງິນ ແລະ ເຄື່ອງຊ່ວຍເຫຼືອໃນຄັ້ງນີ້ໄດ້ມາຈາກການປະກອບສ່ວນຂອງພະນັກງານ ຢູ່ ພາຍໃນ ກະຊວງ ແຜນການ ແລະ ການລົງທຶນ ແລະ ການປະກອບສ່ວນຂອງບາງບໍລິສັດ ເປັນມູນຄ່າລວມທັງໝົດ 119.275.000 ກີບ, ໃນນັ້ນ ເປັນເງິນສົດ 100 ລ້ານກີບ ແລະ ເຄື່ອງອຸປະໂພກ-ບໍລິໂພກ ມູນຄ່າ 19.275.000 ກີບ.
