ກະຊວງ ຜທ ສ້າງແຜນກຳນົດພະນັກງານ ນຳພາ-ຄຸ້ມຄອງ ຂັ້ນສູນກາງຄຸ້ມຄອງ

by | Nov 30, 2022 | ການເຄື່ອນໄຫວ, ຂ່າວເດັ່ນ | 0 comments

ໃນລະຫວ່າງ ວັນທີ 23-25 ພະຈິກ 2022, ທີ່ກະຊວງແຜນການ ແລະ ການລົງທຶນ ໄດ້ເປີດກອງປະຊຸມສ້າງແຜນກຳນົດພະນັກງານ ນຳພາ-ຄຸ້ມຄອງ( ຂັ້ນສູນກາງຄຸ້ມຄອງ) ຂື້ນ, ພາຍໃຕ້ການເປັນປະທານຂອງທ່ານ ຄຳເຈນ ວົງໂພສີ ເລຂາຄະນະບໍລິຫານງານພັກ, ລັດຖະມົນຕີ ກະຊວງແຜນການ ແລະ ການລົງທຶນ, ມີອາດິດການນຳຂອງກະຊວງ, ຄະນະປະຈຳພັກ, ຄະນະບໍລິຫານງານພັກ, ພ້ອມດ້ວຍບັນດາໜ່ວຍພັກຕະຫຼອດຮອດສະມະຊິກພັກພະນັກງານ     ເຂົ້າຮ່ວມ.

ທ່ານ ຄຳເຈນ ວົງໂພສີ ເລຂາຄະນະບໍລິຫານງານພັກ, ລັດຖະມົນຕີ ກະຊວງແຜນການ ແລະ ການລົງທຶນ ໄດ້ກ່າວເປີດກອງປະຊຸມບາງຕອນວ່າ: ກອງປະຊຸມໃນຄັ້ງນີ້ແມ່ນຈະໄດ້ດຳເນີນເປັນເວລາ 3ວັນ ພ້ອມດ່ຽວກັນນີ້ຈະໄດ້ຮັບການເຜີຍແຜ່ບັນດາເອກະສາ, ນິຕິກຳຕ່າງໆ ທີ່ສຳຄັນຈາກຄະນະຈັດຕັ້ງສູນກາງພັກ ແລະ ຄະນະພັກຄະນະນຳຂອງກະຊວງແຜນການ ແລະ ການລົງທຶນ ເຊີ່ງມີລາຍລະດັ່ງນີ້:

  1. ສະຫຼຸບຕີລາຄາ ການຈັດຕັ້ງປະຕິບັດວຽກງານສ້າງແຜນກຳນົດພະນັກງານ ນຳພາ-ຄຸ້ມຄອງ ໄລຍະຜ່ານມາ.
  2. ມະຕິ ຂອງກົມການເມືອງສູນກາງພັກ ສະບັບເລກທີ 032/ກມສພ, ວົງວັນທີ 03 ມັງກອນ 2018 ວ່າດວ້ຍ ວຽກງານສ້າງແຜນກຳນົດພະນັກງານ-ນຳພາຄຸ້ມຄອງ;
  3. ມະຕິ ຂອງກົມການເມືອງສູນກາງພັກ ສະບັບເ​ລກທີ 030/ກມສພ, ວົງວັນທີ 03 ມັງກອນ 2018 ວ່າດວ້ຍມາດ ຖານພະນັກງານນຳພາ-ຄຸ້ມຄອງ;
  4. ຄຳເແນະນຳ ສະບັບເລກທີ 292/ຄຈສພ,​ ລົງວັນທີ 26 ເມສາ 2018 ວ່າດວ້ຍການຈັດຕັ້ງປະຕິບັດຂອງກົມການເມືອງສູນກາງພັກ ສະບັບເລກທີ 032/ກມສພ.

ເພື່ອຈັດຕັ້ງຜັນຂະຫຍາຍ ບັນດາເນື້ອໃນຂອງມະຕິ ແລະ ດຳລັດສະນັ້ນຈື່ງຂໍເນັ້ນໜັກບາງຈຸດ ກ່ອນຈະດໍາເນີນການ ທາບທາມຢັ່ງຫາງສຽງໃນຄັ້ງນີ້:

  1. ການສ້າງແຜນກຳນົດພະນັກງານ ແລະ ການຄາດຄະເນເປົ້າໝາຍພະນັກງານ ທີ່ຈະຈັດວາງເຂົ້າໃນຕຳແໜ່ງນຳ ພາ-ຄຸ້ມຄອງແຕ່ລະຂັ້ນ, ແຕ່ລະຂະແໜງການ ແນໃສ່ຮັບປະກັນລັກສະນະສືບທອດປ່ຽນແທນຕໍ່ເນື່ອງໃນສະ ເພາະໜ້າ ແລະ ຍາວນານ;
  2. ກະກຽມບຸກຄະລາກອນໃນລັກສະນະເປີດກວ້າງ ເພື່ອໃຫ້ມີແຫ່ຼງເລືອກເຟັ້ນພະນັກງານນໍາພາ-ຄຸ້ມຄອງ ຕອບສະໜອງທາງດ້ານຈຳນວນ, ຄຸນນະພາບ, ໂຄງປະກອບບຸກຄະລາກອນໃຫ້ຄົບຊຸດ ຕາມຄວມຮຽກຮ້ອງຕ້ອງ ການຂອງບັນດາຕຳແໜ່ງ ນຳພາ-ຄຸ້ມຄອງແຕ່ລະຂັ້ນ, ແຕ່ລະຂະແໜງການໃນລະບົບການເມືອງ ເພື່ອຈັດຕັ້ງປະ ຕິບັດແຜນພັດທະນາເສດຖະກິດ-ສັງຄົມ ແລະ ການຫັນປະເທດເປັນອຸດສາຫະກຳ ແລະ ທັນສະໄໝເທື່ອລະກ້າວ ແນໃສ່ປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດສັງຄົມນິຍົມ.
  3. ເນື້ອໃນການສ້າງແຜນກຳນົດພະນັກງານນຳພາ-ຄຸ້ມຄອງ ຕ້ອງອີງໃສ່:

j ມາດຕະຖານລວມ, ມາດຕະຖານສະເພາະຂອງແຕ່ລະຕໍາແໜ່ງ ແລະ ກຸ່ມຕໍາແໜ່ງຂອງພະນັກງານນໍາພາ-ຄຸ້ມຄອງທີ່ກົມການເມືອງສູນກາງພັກໄດ້ກຳນົດໄວ້;

k ມາດຕະຖານສະເພາະ ຂອງພະນັກງານນຳພາ-ຄຸ້ມຄອງ ກະຊວງ-ອົງການ ແລະ ທ້ອງຖິ່ນ ທີ່ກຳນົດໄວ້

  1. ດ້ານໂຄງປະກອບ

j ຮັບປະກັນມາດຕະຖານ-ເງື່ອນໄຂລວມ ແລະ ມາດຕະຖານສະເພາະຂອງພະນັກງານນໍາພາ-ຄຸ້ມຄອງແຕ່ລະຂັ້ນທີ່ໄດ້ກຳນົດໄວ້;

k ຮັບປະກັນໂຄງປະກອບ, ເພດ, ເຜົ່າ ແລະ ພະນັກງານໜຸ່ມ ໃຫ້ກວມອັດຕາສ່ວນຫຼາຍ;

l ອາຍຸກະສຽນຂອງພະນັກງານເຂົ້າໃນແຜນກຳນົດແຕ່ລະປະເພດ, ແຕ່ລະຂັ້ນ ສູງສຸດບໍ່ເກີນ 55 ປີ.

  1. ເປົ້າໝາຍເລືອກເຟັ້ນເຂົ້າໃນແຜນກຳນົດພະນັກງານນຳພາ-ຄຸ້ມຄອງ

– ເລືອກເຟັ້ນຈາກພະນັກງານການນຳຂັ້ນລຸ່ມຂອງຕຳແໜ່ງທີ່ຈະສ້າງແຜນກຳນົດນັ້ນ ໜຶ່ງຫາສອງຂັ້ນ:

– ເລືອກເຟັ້ນຈາກຄະນະປະຈຳພັກ, ຄະນະພັກ ເພື່ອທົດແທນເລຂາຄະນະພັກ, ລັດຖະມົນຕີ ແລະ ທຽບເທົ່າ;

– ເລືອກເຟັ້ນຈາກຄະນະພັກຮາກຖານ, ຄະນະໜ່ວຍພັກ, ຫົວໜ້າກົມ, ຮອງຫົວໜ້າກົມ ແລະ ທຽບເທົ່າ ເພື່ອທົດແທນຄະນະບໍລິຫານງານພັກກະຊວງ-ອົງການ, ຮອງລັດຖະມົນຕີ ແລະ ທຽບເທົ່າ;

– ເລືອກເຟັ້ນຈາກຄະນະພັກຮາກຖານ, ຄະນະໜ່ວຍພັກ, ຫົວໜ້າພະແນກ, ຮອງຫົວໜ້າພະແນກ ແລະ ທຽບເທົ່າຂັ້ນແຂວງ ພ້ອມນີ້ຮຽກຮ້ອງໃຫ້ບັນດາຜູ້ແທນກອງປະຊຸມຈົ່ງພ້ອມກັນຍົກສູງຄວາມຮັບຜິດຊອບໃນການເລືອກເຟັ້ນພະນັກງານສຶບທອດປ່ຽນແທນ.