ກະຊວງ ແຜນການ ແລະການລົງທຶນ ໄດ້ມີພິທີປະກາດການຈັດຕັ້ງ ຂັ້ນຮອງລັດຖະມົນຕີ ແລະ ທຽບເທົ່າຮອງລັດຖະມົນຕີ.

by | Nov 1, 2021 | ການເຄື່ອນໄຫວ | 0 comments

ໃນວັນທີ 27 ຕຸລາ 2021 ກະຊວງ ແຜນການ ແລະການລົງທຶນ ໄດ້ມີພິທີປະກາດການຈັດຕັ້ງ ຂັ້ນຮອງລັດຖະມົນຕີ ແລະ ທຽບເທົ່າຮອງລັດຖະມົນຕີພາຍໃນກະຊວງແຜນການ ແລະ ການລົງທຶນ ໂດຍພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ     ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ໂດຍມີ ທ່ານ ດວງຕາ ຈຸມພາວັນ ຫົວໜ້າກົມຄຸ້ມຄອງພະນັກງານ, ກຳມະການພັກໃນຄະນະຈັດຕັ້ງສູນກາງພັກ, ທາ່ນຮອງລັດຖະມົນຕີ, ຫົວໜ້າຫ້ອງການ, ຫົວໜ້າກົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້ ທ່ານ ສອນໄຊ ສີພັນດອນ ໂດຍຕາງໜ້າໃຫ້ຄະນະພັກ, ຄະນະນໍາກະຊວງ ຜທ ສະແດງຄວາມຍີນດີ ແລະ ຍ້ອງຍໍຊົມເຊີຍຕໍ່ ທ່ານ ມະໂນທອງ ວົງໄຊ ທີ່ໄດ້ຮັບການແຕ່ງຕັ້ງເປັນຮອງລັດຖະມົນຕີ, ທ່ານ ວຽງສະຫວັນ ວິໄລວອນ ໄດ້ຮັບການແຕ່ງຕັ້ງເປັນ ຮອງປະທານຄະນະກຳມະທິການຮ່ວມມືລາວ-ຫວຽດນາມ(ຜູ້ປະຈຳການ)  ແລະ ທ່ານ ໄຊຊະນະ ສິດທິພອນ ໄດ້ຮັບການແຕ່ງຕັ້ງເປັນ ຮອງປະທານຄະນະກຳມະທິການຮ່ວມມືລາວ-ຈີນ(ຜູ້ຈຳການ) ເຊິ່ງບັນດາສະຫາຍທີ່ໄດ້ຮັບການແຕ່ງຕັ້ງລ້ວນແຕ່  ເປັນພະນັກງານຜູ້ໜຶ່ງ ທີ່ເຕີບໃຫ່ຍຈາກວຽກງານຕົວຈິງ ຢູ່ກະຊວງ ແຜນການ ແລະການລົງທຶນ, ເປັນຜູ້ທີ່ມີຄວາມຮູ້,ຄວາມສາມາດ, ມີຄວາມສາມາດເຕົ້າໂຮມຄວາມສາມັກຄີພາຍໃນ-ພາຍນອກ ແລະເຮັດລ້ອນໜ້າທີ່ ທີ່ພັກ-ລັດ ມອບໝາຍໃຫ້. ເວົ້າລວມ, ເວົ້າສະເພາະ ແມ່ນການຄົ້ນຄວ້າສ້າງ ແລະຊຸກຍູ້ການປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ໃນໄລຍະຜ່ານມາ ໄດ້ຮັບຜົນສໍາເລັດເປັນຢ່າງດີ.