ການລົງນາມໃນພິທີເຊັນສັນຍາບົດບັນທຶກຄວາມເຂົ້າໃຈ(MOU)ສືກສາຄວາມເປັນໄປໄດ້ໃນການພັດທະນາໂຄງການກະສິກຳ, ອຸດສະຫະກຳ, ບໍລິການ ແລະ ທ່ອງທ່ຽວຢູ່ເຂດບ້ານ ອຸດົມສີນ ແລະ ບ້ານແດດສົມບູນ, ເມືອງສິງ ແຂວງຫຼວງນ້ຳທາ

by | Nov 1, 2021 | ການເຄື່ອນໄຫວ | 0 comments

ໃນ ວັນທີ 15 ຕຸລາ 2021, ທີ່ກະຊວງ ແຜນການ ແລະການລົງທຶນ, ນະຄອນຫຼວງວຽງຈັນ, ໄດ້ຈັດພິທີເຊັນສັນຍາບົດບັນທຶກຄວາມເຂົ້າໃຈ(MOU)ສືກສາຄວາມເປັນໄປໄດ້ໃນການພັດທະນາໂຄງການກະສິກຳ, ອຸດສະຫະກຳ, ບໍລິການ ແລະ ທ່ອງທ່ຽວຢູ່ເຂດບ້ານ ອຸດົມສີນ ແລະ ບ້ານແດດສົມບູນ, ເມືອງສິງ ແຂວງຫຼວງນ້ຳທາ ລະຫວ່າງ ລັດຖະບານແຫ່ງ ສປປ ລາວ ກັບ ບໍລິສັດ ຈະເລີນຊັບຍິ່ງຈະເລີນ.

ໃນພິທີເຊັນສັນຍາຄັ້ງນີ້ເປັນກຽດເຂົ້າຮ່ວມໂດຍທ່ານ ນາງ ຄຳຈັນ ວົງແສນບຸນ ຮອງລັດຖະມົນຕີ ກະຊວງ ແຜນການ ແລະການລົງທຶນ,  ທ່ານ ໄຊນະຄອນ ອິນທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ອອ່ນຈັນ ຄໍາຜາວົງ ຮອງເຈົ້າແຂວງ ແຂວງຫຼວງນ້ໍາທາ , ທ່ານ, ທ່ານຮອງຫົວໜ້າພະແນກແຜນການ ແລະ ການລົງທຶນ ແຂວງຫຼວງນ້ຳທາ ແລະ ບໍລິສັດ ຈະເລີນຊັບຍິ່ງຈະເລີນ ກໍ່ໄດ້ໃຫ້ກຽດເຂົ້າຮ່ວມ. ການລົງນາມໃນພິທີເຊັນສັນຍາຄັ້ງນີ້ ເພື່ອປະຕິບັດຕາມໃບມອບສິດຂອງທ່ານນາຍົກລັດຖະມົນຕີ ສະບັບເລກທີ 169/ນຍ, ລົງວັນທີ 29 ກັນຍາ 2021 ທີ່ມອບສິດໃຫ້ ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ ຕາງໜ້າໃຫ້ລັດຖະບານແຫ່ງ ສປປ ລາວເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງ ແຜນການ ແລະ ການລົງທືນ ແລະ ເຊັນເປັນພະຍານໂດຍ ທ່ານ ນ ແພງຈັນ ແພງເມຶອງ ຫົວໜ້າກົມແຜນການແລະການຮ່ວມມື ກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານ ນ ປານີ ຈິດດາລາ ຮອງຫົວໜ້າພະແນກແຜນການ ແລະ ການລົງທຶນ ແຂວງຫຼວງນ້ຳທາແລະ ຕາງໜ້າໃຫ້ ບໍລິສັດເຊັນໂດຍ ທ່ານ ຄອນຄຳ ອິນທະວົງ ປະທານບໍລິສັດ ຈະເລີນຊັບຍິ່ງຈະເລີນ, ເຊັນເປັນພະຍານໂດຍ ທ່ານ ແສງຢົງ ທີ່ປຶກສາ ຈະເລີນຊັບຍິ່ງຈະເລີນ,