ທ່ານ ນາງ ຄຳຈັນ ວົງແສນບູນ ໃຫ້ກຽດເປັນປະທານພິທີປິດຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ XVI
ໃນວັນທີ 22 ກຸມພາ 2021 ທີ່ກະຊວງແຜນການ ແລະ ການລົງທຶນ ໄດ້ຈັດພິທີປິດຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ XVI ປະຈໍາປີ 2020 ໂດຍການເປັນປະທານຂອງ ທ່ານ ນາງ ຄໍາຈັນ ວົງແສນບູນ, ຮອງເລຂາຄະນະບໍລິຫານງານພັກ, ຮອງລັດຖະມົນຕີ ກະຊວງແຜນການ ແລະ ການລົງທຶນ ເຊິ່ງມີບັນດາສະຫາຍຄະນະປະຈຳພັກກະຊວງ, ຄະນະບໍລິຫານງານພັກກະຊວງ, ເລຂາໜ່ວຍພັກຈາກຫ້ອງການ, ບັນດາກົມ ແລະ ທຽບເທົ່າກົມພາຍໃນ ກະຊວງ ແຜນການ ແລະ ການລົງທຶນ ພ້ອມດ້ວຍຄະນະຮັບຜິດຊອບຈາກ ສະຖາບັນການເມືອງ ແລະ ການປົກຄອງແຫ່ງຊາດ ເຂົ້າຮ່ວມ.
ເພື່ອຍົກລະດັບຄວາມຮູ້ທາງດ້ານທິດສະດີການເມືອງໃຫ້ແກ່ສະມາຊິກພັກ ມີຄວາມສາມາດໃນການນຳພາວຽກງານງານຮອບດ້ານ, ເພື່ອສືບຕໍ່ເສີມຂະຫຍາຍມູນເຊື້ອອັນດີງາມຂອງພັກ ແລະເປັນເຈົ້າການຜັນຂະຫຍາຍ ແນວທາງນະຍໂບາຍຂອງພັກ-ລັດຖະບານວາງອອກໃນແຕ່ລະໄລຍະ ໃຫ້ເຂົ້າສູ່ລວງເລິກ ແລະ ມີຜົນສຳເລັດຍິ່ງໆຂຶ້ນ, ຈຶ່ງມີຄວາມຈຳເປັນຢ່າງຍິ່ງ ທີ່ ພະນັກງານຫຼັກແຫຼ່ງຢູ່ອົງຄະນະພັກກະຊວງແຜກນານ ແລະ ການລົງທຶນ ຕ້ອງມີຄວາມຮູ້ ພື້ນຖານດ້ານທິດສະດີມາກ-ເລນິນ ແລະ ເຊື່ອມຊຶມແນວທາງນະໂຍບາຍຂອງພັກຢ່າງເລິກເຊິ່ງ ໂດຍຫຼັກສູດທີ່ໄດ້ຈັດເຂົ້າໃນການຮຽນ-ການສອນຄັ້ງນີ້ລວມມີ 5 ພາກວິຊາຄື: ພາກທີ1: ພາກປັດຊະຍາລວມມີ 08 ບົດ; ພາກທີ່2: ພາກວິຊາເສດຖະສາການເມືອງ ລວມມີ 10 ບົດ; ພາກທີ່3: ພາກວິຊາລັດທິສັງຄົມນິຍົມວິທະຍາ ສາດ ລວມມີ 6 ບົດ; ພາກທີ4: ພາກວິຊາບໍລິຫານສາດ ລວມມີ 08 ບົດ; ພາກທີ5: ພາກວິຊາກໍ່ສ້າງພັກໃໝ່ຂອງເລນິນ ລວມມີ 05 ບົດ. ອາຈານສອນແມ່ນມາຈາກສະຖາບັນການເມືອງການປົກຄອງແຫ່ງຊາດ, ແຕ່ລະທ່ານ ລ້ວນແຕ່ ເປັນຜູ້ທີ່ມີຄວາມຮູ້ ແລະມີປະສົບການສູງ, ສາມາດຖ່າຍທອດຄວາມຮູ້ໃຫ້ແກ່ນັກສຳມະນາກອນໄດ້ເປັນຢ່າງດີ. ນັກສຳ ມະນາກອນເຂົ້າຮ່ວມຊຸດເຝິກອົບຮົມທິດສະດີຄັ້ງນີ້ມີທັງໝົດ 43 ສະຫາຍ, ຍິງ 13 ສະຫາຍ, ທຸກສະຫາຍແມ່ນ ໄດ້ຮຽນຈົບຕາມຫຼັກສູດ ແລະ ໄດ້ຮັບໃບຢັ້ງຢືນຈາກສະຖາບັນການເມືອງການປົກຄອງແຫ່ງຊາດ.
Mme. Khamchan Vongsenboun attended the closing ceremony of 16th Polictics and Public Administration Training for MPI officials