ໃນຕອນບ່າຍຂອງວັນທີ 11 ທັນວາ 2020, ທ່ານ ນາງ ຄໍາຈັນ ວົງແສນບູນ ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະ ໄດ້ໄປຢ້ຽມຢາມໂຄງການສ້າງທາງລົດໄຟລາວ-ຈີນ, ໂດຍໄດ້ຮັບຟັງການລາຍງານຄວາມຄືບໜ້າໃນການກໍ່ສ້າງທາງລົດໄຟ ເຊິ່ງໂຄງການກໍ່ສ້າງດັ່ງກ່າວ ແມ່ນເລີ່ມມາແຕ່ວັນທີ 25 ທັນວາ 2016, ໂດຍນໍາໃຊ້ງົບປະມານໃນການກໍ່ສ້າງທັງໝົດ 37.400 ຕື້ຢວນ, ໄລຍະການກໍ່ສ້າງ 5 ປີ ແລະ ຈະເປີດນໍາໃຊ້ໃນທ້າຍປີ 2021, ພ້ອມດຽວກັນນີ້ ຄະນະຜູ້ແທນທີ່ໄດ້ລົງໄປຢ້ຽມຢາມໄດ້ທົດລອງນັ່ງລົດໄຟລາວ-ຈີນ ລວມໄລຍະທາງ 10 ກິໂລແມັດ.
