ທ່ານ ນາງ ຄໍາຈັນ ວົງແສນບູນ ເປັນປະທານ ກອງປະຊຸມສຳມະນາ ເພື່ອລະນຶກວັນສາກົນເພື່ອລຶບລ້າງຄວາມຮຸນແຮງຕໍ່ແມ່ຍິງ

ກະຊວງແຜນການ ແລະ ການລົງທືນ ໄດ້ຈັດກອງປະຊຸມສຳມະນາ ເພື່ອລະນຶກວັນສາກົນເພື່ອລຶບລ້າງຄວາມຮຸນແຮງ ຕໍ່ແມ່ຍິງ (ວັນທີ 25 ພະຈິກ) ໃນວັນທີ 13 ພະຈິກ 2020 ໂດຍໃຫ້ກຽດເຂົ້າຮ່ວມ ແລະ ເປັນປະທານ ໂດຍທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່- ເດັກ ກະຊວງແຜນການ ແລະ ການລົງທຶນ ມີບັນດາຄະນະ ຄກມດ ຈາກກະຊວງ, ຄະນະຫ້ອງການ, ຫົວໜ້າກົມ, ຫົວໜ້າພະແນກ ແລະ ພະນັກງານວິຊາການເຂົ້າຮ່ວມທັງໝົດ 45 ທ່ານ, ຍິງ 26 ທ່ານ. ກອງປະຊຸມໄດ້ຮັບຟັງກ່ຽວກັບປະຫວັດຄວາມເປັນມາຂອງວັນສາກົນ ເພື່ອຢຸດຕິຄວາມຮຸນແຮງ, ກົດໝາຍວ່າດ້ວຍການດຳເນີນຄະດີເດັກ. ນອກຈາກນັ້ນກໍໄດ້ມີການສົນທະນາແລກປ່ຽນບົດຮຽນກ່ຽວກັບການໃຊ້ຄວາມຮຸນແຮງຕໍ່ແມ່ຍິງ ແລະເດັກ.