ໃນວັນທີ 23 ພຶດສະພາ 2024, ທ່ານ ເພັດ ພົມພີພັກ ລັດຖະມົນຕີກະຊວງແຜນການ ແລະ ການລົງທຶນ ໄດ້ໃຫ້ການຕ້ອນຮັບການຢ້ຽມຂໍ່ານັບຂອງທ່ານນາງ. Manuela V. Ferro, ຮອງປະທານຫ້ອງການທະນາຄານໂລກ ປະຈຳພາກພື້ນອາຊີຕາເວັນອອກ ແລະ ປາຊີຟິກ, ພ້ອມດ້ວຍຄະນະ. ຈຸດປະສົງການເຂົ້າຢ້ຽມຂໍ່ານັບໃນຄັ້ງນີ້ ແມ່ນເພື່ອເສີມສ້າງສາຍພົວພັນ ແລະ ວຽກການຮ່ວມມືເພື່ອການພັດທະນາລະຫວ່າງທະນາຄານໂລກ ໂດຍສະເພາະວຽກງານການຊ່ວຍເຫລືອດ້ານການພັດທະນາກ່ຽວກັບເສດຖະກິດ-ສັງຄົມ, ດ້ານງົບປະມານ-ການເງິນ, ດ້ານໂພຊະນາການ ແລະ ວຽກງານອື່ນໆ.
