ທ່ານ ສອນໄຊ ສີພັນດອນ, ຕ້ອນຮັບເອກອັກຄະລັດຖະທູດວິສາມັນ ມົງໂກລີ ປະຈຳ ສປປ ລາວ ເຂົ້າຢ້ຽມຂໍ່ານັບ

by | Jan 25, 2022 | ການເຄື່ອນໄຫວ | 0 comments

ໃນວັນທີ 17 ມັງກອນ 2022, ເວລາ 9:00 ໂມງ, ທີ່ກະຊວງແຜນການ ແລະ ການລົງທຶນ, ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ບຽມບາຊູເຣນ ຈໍາສ໌ຣັງ (Byambasuren Jamsran)  ເອກອັກຄະລັດຖະທູດວິສາມັນ ມົງໂກລີ ເນື່ອງໃນໂອກາດມາຮັບຕຳແໜ່ງການທູດຄົນໃໝ່ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ.

ໃນໂອກາດນີ້, ທ່ານ ສອນໄຊ ສີພັນດອນ ໄດ້ກ່າວຄຳຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການປະຕິບັດໜ້າທີ່ຂອງທ່ານ ເອກອັກຄະລັດຖະທູດ ທີ່ຈະສືບຕໍ່ຜັນຂະຫຍາຍ ແລະ ສົ່ງເສີມທິດທາງການຮ່ວມມືໃນຕໍ່ໜ້າທ່າແຮງຂອງແຕ່ລະປະເທດ, ເສດຖະກິດການຄ້າ, ການລົງທຶນ, ການສຶກສາ, ສາທາລະນະສຸກ, ທ່ອງທ່ຽວ ໂດນສະເພາະດ້ານວຽກງານກະສິກຳລ້ຽງສັດ ຂອງສອງປະເທດທີ່ມີທ່າແຮງເພື່ອນຳເອົາຜົນປະໂຫຍກມາສູ່ສອງປະເທດ ລາວ ແລະ ມົງໂກລີ.

ໃນໂອກາດນີ້, ທ່ານ ບຽມບາຊູເຣນ ຈໍາສ໌ຣັງ (Byambasuren Jamsran) ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ພ້ອມທັງສະແດງຄວາມຍິນດີຕໍ່ກັບການເປີດກ້ວາງການຮ່ວມມືໃນຂະແໜງການຕ່າງໆ ຂອງສອງປະເທດ ແລະ ລາຍງານກ່ຽວກັບການກະກຽມກິດຈຳກຳເພື່ອສະເຫຼີມສະຫຼອງສາຍພົວພັນການທູດ ລາວ-ມົງໂກລີ ຄົບຮອບ 60 ປີ ທີ່ຈະຈັດຂື້ນໃນປີ 2022 ລາວ-ມົງໂກລີ ໄດ້ສ້າງຕັ້ງສາຍພົວພັນຮ່ວມມື ໃນວັນທີ 12 ກັນຍາ 1962.