ໃນວັນທີ 25 ກັນຍາ 2020, ທີ່ກະຊວງແຜນການ ແລະ ການລົງທຶນ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ລີ ດົງກັນ (Mr. LEE DONG-GEON) ຫົວໜ້າຫ້ອງການ ກອງທຶນຮ່ວມມືເພື່ອການພັດທະນາເສດຖະກິດ (EDCF) ຈາກ ທະນາຄານສົ່ງອອກ-ນໍາເຂົ້າ (EXIM Bank) ຂອງ ສ.ເກົາຫຼີ ປະຈໍາ ສປປ ລາວ.
ຈຸດປະສົງຂອງການເຂົ້າຢ້ຽມຂໍ່ານັບຂອງ ທ່ານ ລີ ດົງກັນ (Mr. LEE DONG-GEON) ຄັ້ງນີ້ ເນື່ອງໃນໂອກາດທີ່ທ່ານມາເປັນຜູ້ຕາງໜ້າກອງທຶນຮ່ວມມືເພື່ອການພັດທະນາເສດຖະກິດ (EDCF) ປະຈໍາ ສປປ ລາວ. ພ້ອມດຽວກັນນັ້ນຍັງໄດ້ປຶກສາຫາລືບັນດາໂຄງການຮ່ວມມືຂອງສອງຝ່າຍ.
