ສີພັນດອນ, ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ເຄນນີຈິ ໂກບາຢາຊິ ເອກອັກຄະລັດຖະທູດວິສາມັນ ຢີ່ປຸ່ນ ເນື່ອງໃນໂອກາດມາຮັບຕຳແໜ່ງການທູດ ຄົນໃໝ່ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ.
ໃນໂອກາດນີ້, ທ່ານ ສອນໄຊ ສີພັນດອນ ກໍ່ໄດ້ສະແດງຄວາມຍິນດີ ແລະ ຕີລາຄາສູງຕໍ່ການມາຮັບໜ້າໃໝ່ທີເພື່ອສຶບຕໍ່ການພົວພັນຮ່ວມມືອັນດີງາມ ແລະມູນເຊື້ອລະຫວ່າງສອງປະເທດ ລາວ-ຢີ່ປຸ່ນ ຂອງທ່ານ ເຄນນີຈິ ໂກບາຢາຊິ ທີ່ມີການພົວພັນຮ່ວມມືດ້ານເສດຖະກິດ, ການຄ້າ, ການເງິນ, ການລົງທຶນ, ການສຶກສາ, ສາທາລະນະສຸກ, ກະສິກຳ, ອຸດສາຫະກຳ ແລະ ສິ່ງແວດລ້ອມ ແລະ ອື່ນໆ ການຍົກສູງຄວາມສາມາດຂອງຊັບພະຍາກອນມະນຸດ, ໂດຍສະເພາະແມ່ນດ້ານພື້ນຖານໂຄງລ່າງ, ດ້ານຄົມມະນາຄົມ ເພື່ອການເຊື່ອມໂຍມເຊື່ອມຈອດຕະຫຼອດໄລຍະພົວພັນການຮ່ວມມືຂອງສອງປະເທດ ລາວ ແລະ ຢີ່ປຸ່ນ.
ໃນໂອນີ້ທ່ານ ເຄນນີຈິ ໂກບາຢາຊິ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຂອງທ່ານ ສອນໄຊ ສີພັນດອນ ແລະ ດີໃຈທີ່ຈະເປັນຊື່ກາງຂອງການພົວພັນຮ່ວມມື ຂອງສອງປະເທດທີ່ມີມາແລ້ວໃຫ້ນັບມື້ມີປະສິດຕິພາບ ແລະ ປະສິດຕິຜົນ, ຢີ່ປຸ່ນ ເປັນປະເທດໜື່ງທີລົງທຶນ ແລະ ໃຫ້ການຊວງເຫຼືອຫຼາຍດ້ານປະກອບສ່ວນສຳຄັນໃນການພັດທະນາເສດຖະກິດ-ສັງຄົມ ຂອງ ສປປ ລາວ.