ທ່ານ ສອນໄຊ ສີພັນດອນ ລັດຖະມົນຕີ ກະຊວງ ແຜນການ ແລະ ການລົງທຶນ ຮອງນາຍົກລັດຖະມົນຕີເຂົ້າຮ່ວມເປັນປະທານ ກອງປະຊຸມຄົບຄະນະ ຂອງຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ

by | Sep 6, 2021 | ການເຄື່ອນໄຫວ | 0 comments

ທ່ານ ສອນໄຊ ສີພັນດອນ ລັດຖະມົນຕີ ກະຊວງ ແຜນການ ແລະ ການລົງທຶນ ຮອງນາຍົກລັດຖະມົນຕີເຂົ້າຮ່ວມເປັນປະທານ ກອງປະຊຸມຄົບຄະນະ ຂອງຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ 

ໃນຕອນເຊົ້າວັນທີ 11 ສິງຫາ 2021 ທີ່ ໂຮງແຮມດອນຈັນ ພາເລດ ນະຄອນຫຼວງວຽງຈັນ, ໄດ້ຈັດກອງປະຊຸມຄົບຄະນະຂອງຄະນະຊີ້ນຳໂຄງການກໍ່ສ້າງລົດໄຟລາວ-ຈີນໂດຍໃຫ້ກຽດເປັນປະ ທ່ານ ສອນໄຊ ສີພັນດອນ ລັດຖະມົນຕີ ກະຊວງ ແຜນການ ແລະ ການລົງທຶນ ຮອງນາຍົກລັດຖະມົນຕີ, ຫົວໜ້າຄະນະ ຊີ້ນໍາໂຄງການກໍ່ສ້າງທາງລົດໄຟລາວ-ຈີນ

ກອງປະຊຸມ ໃນຄັ້ງນີ້ ແມ່ນເພື່ອສືບຕໍ່ປຶກສາຫາລືກ່ຽວກັບການຈັດຕັ້ງປະຕິບັດໂຄງການກໍ່ສ້າງທາງລົດໄຟລາວ-ຈີນ ຊຶ່ງເປັນໂຄງການໃຫຍ່ ທີ່ມີຄວາມໝາຍ ຄວາມສໍາຄັນ ແລະເປັນໂຄງການໜຶ່ງຂອງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ທີ່ຜ່ານ ສປປ ລາວ ໂດຍ, ການນໍາຂອງສອງພັກ ແລະ ສອງລັດຖະບານ ສປປ ລາວ ແລະ ສປ ຈີນ ໄດ້ຕົກລົງເປັນເອກະພາບກັນໃຫ້ເປັນໂຄງການຕົວແບບຂອງການຮ່ວມມືມິດຕະພາບລາວ-ຈີນ ເປັນໂຄງການປອດໃສຂາວສະອາດເປັນໂຄງການທີ່ເຮັດໃຫ້ປະຊາຊົນ

ລາວບັນດາເຜົ່າມີຊີວິດເປັນຢູ່ທີ່ດີຂື້ນກ່ວາແຕ່ກ່ອນ ະໄດ້ປະກາດໃຫ້ສັງຄົມໂລກໄດ້ຮັບຮູ້ວ່າໂຄງການນີ້ຈະສຳເລັດ ແລະເປີດໃຫ້ບໍລິການໃນວັນທີ 2 ທັນວາ 2021 ທີ່ຈະມາເຖິງນີ້

ກອງປະຊຸມຈະໄດ້ຮັບຟັງການລາຍງານການຈັດຕັ້ງປະຕິບັດຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ ທີ່ ຜ່ານມາ ຈາກລັດຖະມົນຕີກະຊວງໂຍທາທິການ ແລະຂົນສົ່ງ ຜເຖິງຄວາມຄືບໜ້າຈັດຕັ້ງປະຕິບັດໂຄງການກໍ່ສ້າງທາງລົດໄຟລາວ-ຈີນນອກນັ້ນໃນກອງປະຊຸມຄັ້ງນີ້ທ່ານຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນຍັງໄດ້ສະເໜີແຜນການສືບຕໍ່ ແລະ ຂໍ້ສະເໜີຕ່າງໆ ແລະບັນຫາທີຄົງຄ້າງເພື່ອປຶກສາຫາລືພາຍໃນຕໍ່ກອງປະຊຸມດັ່ງກ່າວເຊັ່ນ: 1. ການຈັດຕັ້ງປະຕິບັດການຊົດເຊີຍໃຫ້ຜູ້ທີ່ຖືກຜົນກະທົບ ທີ່ໄດ້ມອບພື້ນທີ່ໃຫ້ໂຄງການກໍ່ສ້າງທາງລົດໄຟລາວ-ຈີນ ໄດ້ລົງມືກໍ່ສ້າງແລ້ວ ແຕ່ຜູ້ຖືກຜົນກະທົບຍັງບໍ່ທັນໄດ້ຮັບຄ່າຊົດເຊີຍຍ້ອນຫຼາຍສາຍເຫດ ພວກເຮົາຈະມີວິທີການ ແລະ ມາດຕະການແກ້ໄຂແນວໃດ?  2. ສືບຕໍ່ການແກ້ໄຂບັນຫາ ຈຸດຕັດກັນ ລະຫວ່າງ ທາງລົດໄຟຕັດກັບທາງຫຼວງ, ທາງລອດ, ທາງເວັ້ນ ແລະ ທາງສ້າງຂື້ນ     ໃໝ່ ຊຶ່ງຍັງມີຫລາຍຈຸດຍັງບໍ່ໄດ້ຮັບການແກ້ໄຂນັ້ນ ພວກເຮົາຈະມີວິທີການ ແລະ ມາດຕະການແກ້ໄຂແນວໃດ?  3. ການຊຸກຍູ້ການກໍ່ສ້າງບ້ານຈັດສັນ 4 ບ້ານໃຫ້ສໍາເລັດພາຍໃນທ້າຍເດືອນ ຕຸລາ 2021. 4. ການຈັດຕັ້ງປະຕິບັດ 5 ໜ້າວຽກສິ່ງອໍານວຍຄວາມສະດວກເຊື່ອມຕໍ່ເຂົ້າສະຖານີລົດໄຟລາວ-ຈີນເຊັ່ນ: ການສະໜອງໄຟຟ້າ, ນໍ້າປະປາ ໃຫ້

ສະຖານີລົດໄຟພາຍໃນທ້າຍເດືອນ ກັນຍາ 2021, ການກໍ່ສ້າງເສັ້ນທາງເຂົ້າສະຖານີ ແລະ ການສະໜອງສິ່ງອຳນວຍຄວາມສະດວກໃຫ້ແກ່ເຈົ້າໜ້າທີ່ຢູ່ດ່ານ ໃຫ້ສຳເລັດໃນກາງເດືອນ ພະຈິກ 2021, ຮູບແບບການນຳໃຊ້ງົບປະມານ ຈະເປັນການລົງທຶນກ່ອນ(BOT) ຫລື ກູ້ຢືມຈາກ ບໍລິສັດລົດໄຟ ລາວ-ຈີນ. 5. ການເຊື່ອມຈອດທາງລົດໄຟລາວ-ຈີນ ແລະທາງລົດໄຟລາວ-ໄທ ຜ່ານທ່າບົກທ່ານນາແລ້ງ (Dry port) ແລະມີການບໍລິການຮ່ວມກັນ ໃນການຄ່ຽນຖ່າຍສິນຄ້າຢູ່ຈຸດດັ່ງກ່າວ. 6. ຄົ້ນຄ້ວາສ້າງແຜນຈັດຕັ້ງປະຕິບັດ (R0ad Map) ເດືອນ 8,9,10 ກ່ອນການເປີດພິທີນໍາໃຊ້ຢ່າງເປັນທາງການ ໃນວັນທີ 2 ທັນວາ 2021.