ທ່ານ ສອນໄຊ ສີພັນດອນ ເປັນໄປະທານ ກອງປະຊຸມຄົບຄະນະບໍລິຫານງານພັກ ກະຊວງ ຜທ ເປີດກວ້າງ ປະຈໍາໄຕມາດ III

by | Oct 15, 2020 | ການເຄື່ອນໄຫວ | 0 comments

ໃນວັນທີ 9 ຕຸລາ 2020 ທີ່ ກະຊວງແຜນການ ແລະ ການລົງທຶນ ໄດ້ຈັດກອງປະຊຸມຄົບຄະນະບໍລິຫານງານພັກ ກະຊວງ ຜທ ເປີດກວ້າງ ປະຈໍາໄຕມາດ III ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະການລົງທຶນ ໂດຍມີ ບັນດາ ທ່ານຄະນະພັກ-ຄະນະນໍາ ແລະ ຕາງໜ້າບັນດາໜ່ວຍພັກ ພາຍໃນ ກຜທ ເຂົ້າຮ່ວມ. ຈຸດປະສົງຂອງກອງປະຊຸມແມ່ນເພື່ອສະຫຼຸບຕີລາຄາການເຄື່ອນໄຫວຂອງຄະນະບໍລິຫານງານພັກກະຊວງ ໃນໄຕມາດ III ປີ 2020 ແລະ ເປັນເອກະພາບຕໍ່ແຜນການເຄື່ອນໄຫວໃນໄຕມາດ IV ປີ 2020 ພ້ອມທັງມີຄໍາເຫັນຕໍ່ວຽກງານຈຸດສຸມຈໍານວນໜຶ່ງ.