ທ່ານ ສອນໄຊ ສີພັນດອນ ເປັນປະທານກອງປະຊຸມຄະນະກຳມະການຄຸ້ມຄອງຫຼັກຊັບ ຄຄຊ ຄັ້ງທີ III ປະຈຳປີ 2021.

by | Nov 23, 2021 | ການເຄື່ອນໄຫວ | 0 comments

ໃນວັນທີ 10 ພະຈິກ 2021 ທີ່ ກະຊວງແຜນການ ແລະ ລົງທຶນ  ໄດ້ມີ ກອງປະຊຸມ ຄຄຊ ຄັ້ງທີ III ປະຈຳປີ 2021ໃນຮູບແບບທາງໄກ ໂດຍການເປັນປະທ່ານ ຂອງ ທ່ານ ສອນໄຊ ສີພັນດອນຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ທ່ານ ຮອງລັດຖະມົນຕີກະຊວງແຜນການ ແລະ ການລົງທຶນ  ແລະ ຕາງໜ້າຈາກ ສຄຄຊ  ກໍ່ໄດ້ເຂົ້າຮ່ວມ.

ກອງປະຊຸມໄດ້ ຮັບຟັງການລາຍງານ ແລະ ປຶກສາຫາລື ປະກອບຄຳເຫັນໃສ່ບາງໜ້າວຽກທີ່ສຳຄັນດັ່ງນີ້: 1. ລາຍງານຜົນການຈັດຕັ້ງປະຕິບັດມະຕິກອງປະຊຸມ ຄຄຊ ຄັ້ງທີ II ປີ 2021, 2. ລາຍງານສະຫຼຸບການເຄຶ່ອນໄຫວວຽກງານຂອງ ສຄຄຊ ປະຈຳ 09 ເດືອນ ປີ 2021 ແລະ ຄາດຄະເນການປະຕິບັດໝົດປີ 2021 ແລະ ແຜນປີ 2022, 3. ລາຍງານສະຫຼຸບສະພາບການເຄື່ອນໄຫວຂອງ ຕະຫຼາດຫຼັກຊັບລາວ ປະຈຳ 09 ເດືອນ ປີ 2021 ແລະ ແຜນການ 03 ເດືອນທ້າຍປີ 2021.

ໃນຕອນທ້າຍຂອງກອງປະຊຸມ ທ່ານ ສອນໄຊ ສີພັນດອນຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ປະທານ ຄະນະກຳມະການຄຸ້ມຄອງຫຼັກຊັບ ຍັງໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ບັນດາຄະນະກຳມະການຄຸ້ມຄອງຫຼັກຊັບ ທີ່ໄດ້ປະກອບສ່ວນເຮັດໃຫ້ກອງປະຊຸມໃນຄັ້ງນີ້ ດຳເນີນໄປດ້ວຍຜົນສຳເລັດຢ່າງຈົບງາມ ຕາມຈຸດປະສົງ ແລະ ລະດັບຄາດໝາຍທີ່ໄດ້ກຳນົດໄວ້.