ພິທີປະກາດການຈັດຕັ້ງຂັ້ນຮອງລັດຖະມົນຕີ ກະຊວງແຜນການ ແລະການລົງທືນ

ກະຊວງ ແຜນການ ແລະ ການລົງທຶນ ໄດ້ຈັດພິທີປະກາດການແຕ່ງຕັ້ງ ທ່ານ ນາງ ພອນວັນ ອຸນາວົງ (ຫົວໜ້າກົມແຜນການ) ເປັນຮອງລັດຖະມົນຕີ ກະຊວງແຜນການ ແລະການລົງທຶນ ແລະໂຍກຍ້າຍ ທ່ານ ກອງຄຳ ໄຊສົງຄາມ (ຮອງຫົວໜ້າຫ້ອງການ) ມາເປັນຮອງຫົວໜ້າກົມກວດກາ, ທັງເປັນຮອງປະທານຄະນະກວດກາພັກ ກະຊວງ.       ພິທີດັ່ງກ່າວໄດ້ຈັດຂື້ນໃນວັນທີ 12 ເມສາ 2021 ໂດຍການເປັນປະທານ ຂອງທ່ານ ສອນໄຊ ສີພັນດອນ     ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ໂດຍມີທາ່ນຮອງລັດຖະມົນຕີ, ຫົວໜ້າຫ້ອງການ, ຫົວໜ້າກົມ, ພະນັກງານ-ລັດຖກອນ ແລະພາກສ່ວນທີ່ກ່ຽວຂ້ອງເຂົ້າຮ່ວມ. ໂອກາດນີ້ ທ່ານ ສອນໄຊ ສີພັນດອນ ໂດຍຕາງໜ້າໃຫ້ຄະນະພັກ, ຄະນະນໍາກະຊວງ ຜທ ໄດ້ມີຄວາມເຫັນວ່າ: ການແຕ່ງຕັ້ງຍົກຍ້າຍພະນັກງານຂັ້ນຕ່າງໆແມ່ນວຽກປົກກະຕິໃນການປັບປຸງກົງຈັກການຈັດຕັ້ງໃຫ້ມີຄວາມເໝາະສົມ ແລະ ສອດຄ່ອງກັບຄວາມຮຽກຮ້ອງຕ້ອງການຂອງວຽກງານໃນແຕ່ລະໄລຍະ ພ້ອມນີ້ທ່ານກໍ່ໄດ້ສະແດງຄວາມຍີນດີ ແລະຍ້ອງຍໍຊົມເຊີຍຕໍ່ ທ່ານ ນາງ ພອນວັນ ອຸທະວົງ ເຊິ່ງເປັນພະນັງານຜູ້ໜຶ່ງ ທີ່ເຕີບໃຫ່ຍຈາກວຽກງານຕົວຈິງ ຢູ່ກະຊວງ ແຜນການ ແລະ ການລົງທຶນ, ເປັນຜູ້ທີ່ມີຄວາມຮູ້, ຄວາມສາມາດເຕົ້າໂຮມຄວາມສາມັກຄີພາຍໃນ-ພາຍນອກ ແລະເຮັດລ້ອນໜ້າທີ່ ທີ່ພັກ-ລັດ ມອບໝາຍໃຫ້. ເວົ້າລວມ, ເວົ້າສະເພາະ ແມ່ນການຄົ້ນຄວ້າສ້າງ ແລະຊຸກຍູ້ການປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ VII ແລະຄັ້ງທີ VII ໄດ້ຮັບຜົນສໍາເລັດເປັນຢ່າງດີ ແລະວຽກອື່ນໆ.