ໃນຕອນແລງວັນທີ 4 ເມສາ 2022, ທີ່ສະໂມສອນ ກະຊວງແຜນການ ແລະ ການລົງທຶນ, ໄດ້ຈັດພິທີເຊັນບົດບັນທຶດຄວາມເຂົ້າໃຈ MOU ເພື່ອສຶກສາຄວາມເປັນໄປໄດ້ໃນການສຳຫຼວດ, ອອກແບບ ແລະ ກໍ່ສ້າງແລວທາງຕັດໃໝ່ ໃນ 03 ໄລຍະ ຄື: ໄລຍທີ I ແຕ່ຫຼັກ 21 ເມືອງໄຊທານີ, ນະຄອນຫຼວງວຽງຈັນ – ເມືອງອານຸວົງ ແຂວງໄຊສົມບູນ; ໄລຍະທີ II ແຕ່ເມືອງ ອານຸວົງ, ແຂວງໄຊສົມບູນ – ເມືອງແປກ ແຂວງຊຽງຂວາງ ແລະ ໄລຍະທີ III ແຕ່ເມືອງແປກແຂວງຊຽງຂວາງ – ເມືອງຫົວເມືອງ, ແຂວງຫົວພັນ ໃນຮູບແບບ BOT ຂອງບໍລິສັດ ນານາຊີນ ຈຳກັດຜູ້ດຽວ ແລະ ບໍລິລັດ BIGBROTHER 456 COMPANY LIMITED ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ ນານາຊີນ ຈຳກັດຜູ້ດຽວ ແລະ ບໍລິລັດ BIGBROTHER 456 COMPANY LIMITED, ເປັນກຽດເຂົ້າຮ່ວມໃນພິທີເຊັນບົດບັນທຶກຄັ້ງນີ້ມີບັນດາທ່ານ ຮອງລັດຖະມົນຕີ, ຮອງເຈົ້າຄອງນະຄອນຫຼວງວຽງຈັນ, ບັນດາທ່ານ ຮອງເຈົ້າແຂວງ, ພ້ອມນີ້ກໍ່ຍັງມີ ທ່ານ ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າກົມ, ຮອງກົມ, ຫົວໜ້າພະແນກ, ຮອງຫົວໜ້າພະແນກ, ຈາກສູນກາງ ແລະ ທ່ອງຖິ່ນ ພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ, ໃນການເຊັນບົດບັນທຶກຄັ້ງນີ້ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ລະບັບເລກທີ 55/ນຍ, ລົງວັນທີ 15 ມີນາ 2022, ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນບົດບັນທຶກ ເຊິ່ງຕາງໜ້າເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍທ່ານ ກອງຄຳ ໜໍລະພູມ ຫົວໜ້າກົມແຜນການ ແລະ ການຮ່ວມມື, ກະຊວງໂຍທາທິການ ແລະ ຂົນສົ່ງ, ທ່ານ ປອ. ນາງ ບົວວອນ ສຸກລາແສງ ຫົວໜ້າພະແນກແຜນການ ແລະ ການລົງທຶນ ນະຄອນຫຼວງ, ທ່ານ ໄຊຍະເດດ ວົງສາລະວັນ ຫົວໜ້າພະແນກແຜນການ ແລະ ການລົງທຶນ ແຂວງໄຊສົມບູນ, ທ່ານ ສົມບັດ ຊົງວິໄລ ຮັກສາການຫົວໜ້າພະແນກແຜນການ ແລະ ການລົງທຶນ ແຂວງຊຽງຂວາງ ແລະ ທ່ານ ຄອນທອງ ມະນີວົງ ຫົວໜ້າພະແນກແຜນການ ແລະ ການລົງທຶນ ແຂວງຫົວພັນ ຮ່ວມກັບ ບໍລິສັດນານາຊີນ ຈຳກັດຜູ້ດຽວ ແລະ ບໍລິລັດ BIGBROTHER 456 COMPANY LIMITED ເຊິ່ງຕາງໜ້າເຊັນໂດຍ ທ່ານ ນາງ ນັນທະໄລ ໄຊເສນາ ປະທານບໍລິສັດ ນານາຊິນ ແລະ ເຊັນເປັນພະຍານໂດຍທ່ານ ນິຍົມ ຈັນທະຣະມົນຕຣີ ປະທານບໍລິສັດ BIGBROTHER 456 ແລະ ທ່ານ ອານຸສັກ ທໍາມະວົງ ປະທານບໍລິສັດ ເມືອງຫຼວງຈະເລີນ ກໍ່ສ້າງປູກຝັງ ແລະ ລ້ຽງສັດ
