ພິທີເຊັນບົດບັນທຶກຄວາມເຂົ້າໃຈ (MOV) ເພື່ອສຶກສາຄວາມເປັນໄປໄດ້ໃນການພັດທະນາສວນນິຄົມແບບຄົບວົງຈອນ ແລະ ເຂດພັດທະນາການທ່ອງທ່ຽວສາກົນ ຢູ່ເຂດບ້ານທົ່ງໃໝ່ ແລະ ບ້ານສິລິເຮືອງ, ເມືອງສິງ, ແຂວງຫຼວງນ້ຳທາ

by | Dec 12, 2022 | ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 8 ທັນວາ 2022, ທີ່ກະຊວງແຜນການ ແລະ ການລົງທຶນ, ໄດ້ຈັດພິທີເຊັນບົດບັນທຶກຄວາມເຂົ້າໃຈ(MOV) ເພື່ອສຶກສາຄວາມເປັນໄປໄດ້ໃນການພັດທະນາສວນນິຄົມແບບຄົບວົງຈອນ ແລະ ເຂດພັດທະນາການທ່ອງທ່ຽວສາກົນ ຢູ່ເຂດບ້ານທົ່ງໃໝ່ ແລະ ບ້ານສິລິເຮືອງ, ເມືອງສິງ, ແຂວງຫຼວງນ້ຳທາ ລະຫວ່າງ ລັດຖະບານແຫ່ງ ສປປ ລາວ ກັບ ບໍລິສັດ ຈິງກູ້ ນຳ້ທາ ພັດທະນາກະສິກຳ ຈຳກັດ

ເປັນກຽດເຂົ້າຮ່ວມໃນພິທີເຊັນບົດບັນທຶກຄັ້ງນີ້ໂດຍທ່ານ ທ່ານ ປອ ສະຖາບັນດິດ ອິນສີຊຽງໃໝ່  ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງ ຖະແຫຼງຂ່າວ ແລະ ວັດທະນະທຳ ແລະ ທ່ອງທ່ຽວ, ທ່ານ Xiao weijunjie ປະທານບໍລິສັດ ຈິງກູ້ ນຳ້ທາ ພັດທະນາກະສິກຳ ຈຳກັດ, ທ່ານ Goa yongliang ຄະນະບໍລິສັດຈິງກູ້ ນຳ້ທາ ພັດທະນາກະສິກຳ ຈຳກັດແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ, ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 255/ນຍ, ລົງວັນທີ 18 ພະຈິກ 2022, ທີ່ມອບສິດໃຫ້ກະຊວງ ແຜນການ ແລະ ການລົງທຶນ ເປັນຜູ້  ເຊັນສັນຍາຕາງໜ້າເຊັນໂດຍ ທ່ານ ປອ ສະຖາບັນດິດ ອິນຊີຊຽງໃໝ່  ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງ ກະຊວງຖະແຫຼງຂ່າວ ແລະ ວັດທະນະທຳ ແລະ ທ່ອງທ່ຽວ, ທ່ານ ວົງມະນີ ເພື່ອປະຊາ ຫົວໜ້າຫ້ອງການ ກະຊວງ ແຜນການ ແລະ ລົງທຶນ ຕາງໜ້າບໍລິສັດເຊັນໂດຍ  ທ່ານ Xiao weijunjie ປະທານບໍລິສັດ ຈິງກູ້ ນຳ້ທາ ພັດທະນາກະສິກຳ ຈຳກັດ ພະຍານທ່ານ ທ່ານ Goa yongliang ຄະນະບໍລິສັດຈິງກູ້ ນຳ້ທາ ພັດທະນາກະສິກຳ ຈຳກັດແລະ ທ່ານ ຄຳຜາຍ ເສົາຈັນທາ ທີ່ປຶກສາບໍລິສັດ