ພິທີເຊັນບົດບັນທຶກຄວາມເຂົ້າໃຈ (MOU) ເພື່ອສືກສາສໍາຫຼວດຄວາມເປັນໄປໄດ້ໃນການພັດທະນາໂຄງການໄຟຟ້າພະລັງງານລົມ ແຂວງສະຫວັນນະເຂດ

by | Jan 11, 2023 | ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 09 ມັງກອນ 2023 ໄດ້ຈັດພິທີເຊັນພິທີເຊັນບົດບັນທຶກຄວາມເຂົ້າໃຈ (MOU) ເພື່ອສືກສາສໍາຫຼວດຄວາມເປັນໄປໄດ້ໃນການພັດທະນາໂຄງການໄຟຟ້າພະລັງງານລົມ ໃນເນື້ອທີ່ 3.545,64 ເຮັກຕາ ຢູ່ເຂດເມືອງເຊໂປນ ແຂວງສະຫວັນນະເຂດ ລະຫວ່າງ ລັດຖະບານແຫ່ງ ສປປ ລາວ ກັບບໍລິສັດ Song Da 9.06 Investment and Trading Development JSC ສສ ຫວຽດນາມ ເປັນກຽດເຂົ້າຮ່ວມພິທີເຊັນສັນຍາໃນຄັ້ງນີ້ໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ປອ ໄຊຍະສອນ ອິນທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສີ່ງແວດລ້ອມ  ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂດຍອີງຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 296/ນຍ, ລົງວັນທີ 26 ທັນວາ 2022

ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ ຕາງໜ້າເຊັນໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ປອ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ຄໍາຜູຍ ສີບຸນເຮືອງ ຫົວໜ້າພະແນກແຜນການ ແລະ ການລົງທຶນ ແຂວງສະຫວັນນະເຂດ ແລະ ຕາງໜ້າບໍລິສັດເຊັນໂດຍ ທ່ານ Mr. Phung Huy Minh ອຳນວຍການບໍລິສັດ Song Da 9.06 Investment and Trading Development JSC ສສ ຫວຽດນາມ ແລະ ເຊັນເປັນພະຍານໂດຍ ທ່ານ ນາງວຽງແກ້ວ ດາວແກ້ວປະເສີດ ອຳນວຍການ ບໍລິສັດ ແກ້ວປະເສີດ ມາຍນີ້ງ ກໍ່ສ້ງຄົບວົງຈອນ ຈໍາກັດຜູ້ດຽວ.