ພິທີເຊັນບົດບັນທຶກຄວາມເຂົ້້າໃຈ (MOU) ເພື່ອສຶກສາຄວາມເປັນໄປໄດ້ໃນການພັດທະນາໂຄງການສ້າງນິຄົມອຸດສາຫະກຳໝູນວຽນອັດສະລິຍະ ອາຊີໂປຕາສ ສາກົນ ໃນເນື້ອທີ 2.000 ເຮັກຕາ ຢູ່ເຂດເມືອງທ່າແຂກ ແລະ ເຂດເມືອງໜອງບົກ ແຂວງຄຳມ່ວນ.

by | Mar 29, 2023 | ການເຄື່ອນໄຫວ, ຂ່າວເດັ່ນ | 0 comments

ໃນວັນທີ່ 24 ມີນາ 2023 ທີ່ໂຮງແຮມແລນມາກ ໄດ້ຈັດພິທີເຊັນພິທີເຊັນບົດບັນທຶກຄວາມເຂົ້້າໃຈ (MOU) ເພື່ອສຶກສາຄວາມເປັນໄປໄດ້ໃນການພັດທະນາໂຄງການສ້າງນິຄົມອຸດສາຫະກຳໝູນວຽນອັດສະລິຍະ ອາຊີໂປຕາສ ສາກົນ ໃນເນື້ອທີ 2.000 ເຮັກຕາ ຢູ່ເຂດເມືອງທ່າແຂກ ແລະ ເຂດເມືອງໜອງບົກ ແຂວງຄຳມ່ວນ ລະຫວ່າງ ລັດຖະບານແຫ່ງ ສ ປປ ລາວ ກັບ ບໍລິສັດຊີໂນ – ອາກຣີໂປຕາສ ຈໍາກັດ, ເປັນກຽດເຂົ້າຮ່ວມໃນພິທີເຊັນບົດບັນທຶກຄັ້ງນີ້ໂດຍ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ວັນໄຊ ພອງສະຫວັນ ເຈົ້າແຂວງໆຄຳມ່ວນ, ທ່ານ ປອ ບຸນເຫຼືອ ສີນໄຊວໍລະວົງ ຜູ້ວ່າການທະນາຄານແຫ່ງ ສປປ ລາວ, ທ່ານ ມາໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ, ທ່ານເຈົ້າເວີນຢູ ທີ່ປືກສາວຽກງານເສດຖະກິດການຄ້າ ສະຖານທູດຈີນ ປະຈຳລາວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂດຍອີງຕາມໃບມອບສິດຂອງທ່ານນາຍົກລັດຖະມົນຕີ ສະບັບເລກທີ 51/ນຍ, ລົງວັນທີ 16 ມີນາ 2023  ທີ່ມອບສິດໃຫ້ ກະຊວງແຜນການ ແລະ ການລົງທຶນ ເປັນ​ຜູ້​ເຊັນສັນຍາ, ເຊິ່ງຕາງໜ້າ​ເຊັນ​ໂດຍ: ທ່ານ ນ. ຄຳຈັນ ວົງແສນບູນ  ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນ​ເປັນ​ພະຍານ​ໂດຍ ທ່ານ ນ. ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ສຳລີ ບຸດສະດີ ຮັກສາການຫົວໜ້າກົມອຸດສາຫະກຳ ແລະ ຫັດຖະກຳ ກະຊວງອຸດສາຫະກຳ ແລະ ການຄ້າ ແລະ ທ່ານ ເດດສັກດາ ມະນີຄຳ ຫົວໜ້າພະແນກແຜນການ ແລະ ການລົງທຶນ ແຂວງຄຳມ່ວນ ກັບບໍລິສັດຊີໂນ – ອາກຣີໂປຕາສ ຈໍາກັດ ເຊີ່ງຕາງໜ້າເຊັນໂດຍ ທ່ານ ຫົງຢົ໋ງເຫີງ ປະທານບໍລິສັດ ອາກຣີໂປຕາສ ຈໍາກັດ ແລະ ເຊັນເປັນພະຍານໂດຍທ່ານ ອ້າຍຢົ໋ງຈີ໋ນ ຮອງປະທານ ບໍລິສັດ ອາກຣີໂປຕາສ ຈໍາກັດ.