ພິທີເຊັນບົດບັນທຶກຄວາມເຂົ້າໃຈ MOU ເພື່ອສໍາຫຼວດ, ສຶກສາຄວາມເປັນໄປໄດ້ໃນການສ້າງເຂດອຸດສາຫະກໍາ ແລະ ເຂດພັດທະນາເຕັກໂນໂລຊີ ລະດັບສູງ ຢູ່ເມືອງປາກງື່ມ ນະຄອນຫຼວງວຽງຈັນ

by | Apr 25, 2023 | ການເຄື່ອນໄຫວ, ຂ່າວເດັ່ນ | 0 comments

 

ໃນວັນທີ 21 ເມສາ 2023 ທີ່ ໂຮງແຮມໂປລີບຶງທາດຫຼວງ, ນະຄອນຫຼວງວຽງຈັນ ພິທີເຊັນບົດບັນທຶກຄວາມເຂົ້າໃຈ MOU ເພື່ອສໍາຫຼວດ, ສຶກສາຄວາມເປັນໄປໄດ້ໃນການສ້າງເຂດອຸດສາຫະກໍາ ແລະ ເຂດພັດທະນາເຕັກໂນໂລຊີ ລະດັບສູງ ຢູ່ເມືອງປາກງື່ມ ນະຄອນຫຼວງວຽງຈັນ ລະຫວ່າງ ລັດຖະບານແຫ່ງ ສປປ ລາວ ກັບບໍລິສັດ ລາວຫວານເພີ້ງ ລົງທຶນພັດທະນາ ຈໍາກັດ

ເປັນກຽດເຂົ້າຮ່ວມພິທີເຊັນສັນຍາໃນຄັ້ງນີ້ໂດຍ ທ່ານ ນ ຄໍາຈັນ ວົງແສນບູນ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ມະໂນທອງ ວົງໄຊ ຮອງລັດຖະມົນຕີ ກະຊວງ ອຸດສາຫະກໍາ ແລະ ການຄ້າ, ທ່ານ ພູຂົງ ບັນນາວົງ                                  ຮອງເຈົ້າຄອງ ນະຄອນຫຼວງວຽງຈັນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໂດຍອີງຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 67/ນຍ, ລົງວັນທີ 03 ເມສາ 2023 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ ຕາງໜ້າເຊັນໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ  ບຸນຈັນ ກົມບຸນຍາສິດ   ຫົວໜ້າກົມປູກຝັງ ກະຊວງ ກະສິກໍາ ແລະ ປ່າໄມ້      ແລະ ທ່ານ ປອ ນາງ ບົວວອນ ສຸກລາແສງ       ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ ແລະ ຕາງໜ້າບໍລິສັດ​ເຊັນ​ໂດຍ: ທ່ານ ຫວງກົວຜິງ          ປະທານບໍລິສັດ  ລາວຫວານເພີ້ງ ລົງທຶນພັດທະນາ ຈໍາກັດ ແລະ  ເຊັນເປັນພະຍານໂດຍ ທ່ານ  ນາງ ຫວງຊິວເຫວີນ ຮອງປະທານ ບໍລິສັດ  ລາວຫວານເພີ້ງ ລົງທຶນພັດທະນາ ຈໍາກັດ ແລະ ທ່ານ ຟູ້ຈ້ຽນ ຮອງຜູ້ຈັດການ.