ພິທີເຊັນສັນຍາຂຸດຄົ້ນ ແລະ ປຸງແຕ່ງຫີນປູນ ແລະ ດີນໜຽວຢູ່ເມືອງເຟືອງ,ແຂວງວຽງຈັນ

by | Apr 5, 2021 | ການເຄື່ອນໄຫວ | 0 comments

ໃນວັນທີ 17 ມີນາ 2021 ເວລາ 17:00 ໂມງ, ທີ່ໂຮງແຮມແລນມາກ, ນະຄອນຫຼວງວຽງຈັນ. ໄດ້ຈັດພິທີເຊັນສັນຍາວ່າດ້ວຍການຂຸດຄົ້ນ ແລະ ປຸງແຕ່ງຫີນປູນ ແລະ ດີນໜຽວ ຢູ່ເຂດບ້ານໂພນໄຊ, ບ້ານພູພຽງ,

ບ້ານໜອງປໍ ແລະ ບ້ານນຳ້ປຸງ ເມືອງຟອງ ແຂວງວຽງຈັນ ລະຫວ່າງລັດຖະບານ ກັບບໍລິສັດ Conch International hotding (HK)Co.,Ltd ແລະ ບໍລິສັດ ກຣິດຕະພົງ ກຣຸບ ຈຳກັດ. ເປັນກຽດເຂົ້າຮ່ວມໃນພິທີເຊັນສັນຍາໂດຍທ່ານຮອງລັດຖະມົນຕີ, ຮອງເຈົ້າແຂວງ, ຮອງເຈົ້າເມືອງ, ຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ,

ຮອງຫົວໜ້າພະແນກຈາກສູນກາງ ແລະ ທ້ອງຖິ່ນ, ພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ໃຫ້ກຽດເຂົ້າຮ່ວມ, ຕາງໜ້າໃຫ້ລັດຖະບານແຫ່ງ ສປປ ລາວ ເຊັນໂດຍ ທ່ານ ນ. ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ເຕັ່ງເມັ່ງ ຢ່າງລືໄຊ ວ່າການຫົວໜ້າພະແນກແຜນການ ແລະ ການລົງທຶນ ແຂວງວຽງຈັນ ຮ່ວມກັບ ບໍລິສັດ Conch International hotding (HK) Co.,Ltd ແລະ ບໍລິສັດ ກຣິດຕະພົງ ກຣຸບ ຈຳກັດ ຕາງໜ້າເຊັນໂດຍ ທ່ານ Zhen Lin Hai ຜູ້ຊ່ວຍອຳນວຍການ ບໍລິສັດ ວຽງຈັນຄອນຈ໌ຊິມັງ ຈຳກັດ ແລະ ທ່ານ ນ. ອໍລະໄທ ສັນຕິຄົງຄາ ຜູ້ອຳນວຍການໃຫຍ່ ບໍລິສັດ ກຣິດຕະພົງ ກຣຸບ ຈຳກັດ ແລະ ເຊັນເປັນພະຍານໂດຍ ທ່ານ ນ. ຈັນທິດາ ອຸ່ນມີໄຊ ຮອງຜູ້ອຳນວຍການ ບໍລິສັດ ວຽງຈັນຄອນຈ໌ຊິມັງ ຈຳກັດ.