ພິທີເຊັນສັນຍາສຳປະທານພັດທະນາບໍ່ແຮ່ ໂຄງການຂຸດຄົ້ນ ແລະ ປຸງແຕ່ງແຮ່ທອງ, ເງິນ, ຊືນ ແລະ ສັງກະສີ ຢູ່ແຂວງຜົ້ງສາລີ

by | May 30, 2023 | ການເຄື່ອນໄຫວ, ຂ່າວເດັ່ນ | 0 comments

 

ໃນວັນທີ່ 24 ພືດສະພາ 2023 ທີ່ກະຊວງແຜນການ ແລະ ການລົງທຶນ ໄດ້ຈັດພິທີເຊັນສັນຍາສຳປະທານພັດທະນາບໍ່ແຮ່ ໂຄງການຂຸດຄົ້ນ ແລະ ປຸງແຕ່ງແຮ່ທອງ, ເງິນ, ຊືນ ແລະ ສັງກະສີ ໃນເນື້ອທີ 9,36 ກມ2 ຢູ່ເຂດບ້ານສີຈະຈ້າຍ ( ພູຕ້າຊານ) ເມືອງຍອດອູ ແຂວງຜົ້ງສາລີ ລະຫວ່າງລັດຖະບານແຫ່ງ ສປປລາວ ກັບ ບໍລິສັດ ອຸດສາຫະກຳ ຢົງເຮີ ຢູນນານ (ລາວ) ຈຳກັດ ເປັນກຽດເຂົ້າຮ່ວມໃນພິທີເຊັນສັນຍາໃນຄັ້ງນີ້ໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ທອງພັດ ອີນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ວິສອນ ລາວເມົາ ຮອງເຈົ້າແຂວງໆຜົ້ງສາລີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້້າຮ່ວມ.

ໂດຍອີງຕາມໃບມອບສິດຂອງທ່ານນາຍົກລັດຖະມົນຕີ ສະບັບເລກທີ 84/ນຍ, ລົງວັນທີ 08 ພືດສະພາ  2023  ທີ່ມອບສິດໃຫ້ ກະຊວງແຜນການ ແລະ ການລົງທຶນ ເປັນ​ຜູ້​ເຊັນສັນຍາ, ເຊິ່ງຕາງໜ້າ​ເຊັນ​ໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ເຊັນ​ເປັນ​ພະຍານ​ໂດຍ ທ່ານ  ທອງພັດ ອີນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ທັນວາ ມະໄລສີນ ຮອງຫົວໜ້າພະແນກແຜນການ ແລະ ການລົງທຶນ ແຂວງຜົ້ງສາລີ ກັບ ບໍລິສັດອຸດສາຫະກຳ ຢົງເຮີ ຢູນນານ (ລາວ) ຈຳກັດ ເຊີ່ງຕາງໜ້າເຊັນໂດຍ ທ່ານ LIXI ປະທານບໍລິສັດອຸດສາຫະກຳ ຢົງເຮີ ຢູນນານ (ລາວ) ຈຳກັດ ເຊັນເປັນພະຍານໂດຍ ທ່ານ Hu Xing Hua ເລຂາປະຈຳພັກເມືອງ ຈຽງເຊີນ ນະຄອນພູເອີ ແຂວງຢຸນນານ ແຫ່ງ ສປ ຈີນ ແລະ ທ່ານ XIE Kong EN ຜູ້ຈັດການບໍລິສັດ ອຸດສາຫະກໍາ ຢົງເຮີ ຢູນນານ (ລາວ) ຈໍາກັດ.