ພິທີເຊັນສັນຍາສຳປະທານໂຄງການໄຟຟ້າພະລັງງານລົມ ຢູ່ເມືອງດາກຈຶງ ແຂວງເຊກອງ ແລະ ເມືອງຊານໄຊ ແຂວງອັດຕະປື.

by | Dec 6, 2022 | Uncategorized @lo-la, ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 1 ພະຈິກ 2022, ທີ່ກະຊວງແຜນການ ແລະ ການລົງທຶນ ໄດ້ຈັດພິທີເຊັນສັນຍາສຳປະທານໂຄງການໄຟຟ້າພະລັງງານລົມ ກຳລັງການຜະລິດ 600 ເມກາວັດ ຢູ່ ເມືອງດາກຈຶງ ແຂວງເຊກອງ ແລະ ເມືອງຊານໄຊ ແຂວງອັດຕະປື , ເປັນກຽດເຂົ້າຮ່ວມໃນພິທີເຊັນບົດບັນທຶດຄັ້ງນີ້ໂດຍ ທ່ານ ປອ. ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ຂັນຕີ ສີລະວົງ ຮອງເຈົ້າແຂວງເຊກອງ, ທ່ານ ບຸນຮຽນ ແກ້ວບົວພາດ ຮອງເຈົ້າແຂວງອັດຕະປື, ທ່ານທວົງຕະກຸນ ຍິ່ງຍົງ ຮອງຜູ້ອຳນວຍການ ບໍລິສັດຜະລິດໄຟຟ້າລາວ ມະຫາຊົນ, ທ່ານ ນັດ ຫູຕານຸວັດ ຜູ້ອຳນວຍການ ບໍລິສັດ ມອນຊູນ ວິພພາວເວີຈຳກັດ, ພ້ອມນີ້ກໍ່ຍັງມີບັນດາທ່ານ ຫົວໜ້າຫ້ອງການ, ຫົວໜ້າກົມ, ຮອງກົມ, ຫົວໜ້າພະແນກແຜນການ ແລະ ການລົງທຶນ ແຂວງເຊກອງ, ຫົວໜ້າພະແນກແຜນການ ແລະ ການລົງທຶນ ແຂວງອັດຕະປື, ຮອງຫົວໜ້າພະແນກ, ພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ.

ໂດຍອິງຕາມໃບມອບສິດ ຂອງທ່ານ ນາຍົກລັດຖະມົນຕີ ສະບັບເລກທີ 207/ນຍ, ລົງວັນທີ 1 ທັນວາ 2022 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ ເຊັນບົດບັນທຶກໃນຄັ້ງນີ້ ຕາງໜ້າເຊັນໂດຍ       ທ່ານ ປອ. ສະຖາບັນດິດ ອິນສີຊຽງໃໝ່ ແລະ ເຊັນເປັນພະຍານໂດຍ ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ນິດສາ ມຽງລາວັນ ຫົວໜ້າພະແນກແຜນການ ແລະ ການລົງທຶນ ແຂວງອັດຕະປື, ທ່ານ ຄຳປະກອນ ອຸເທນທະປັນຍາ ຫົວໜ້າພະແນກແຜນການ ແລະ ການລົງທຶນ ແຂວງ ເຊກອງ  ແລະ ຕາງໜ້າໃຫ້ບໍລິສັດເຊັນໂດຍ ທ່ານ ນັດ ຫູຕານຸວັດ ຜູ້ອຳນວຍການ ບໍລິສັດ ມອນຊູນ ວິພພາວເວີຈຳກັດ, ທ່ານ ນິວັດ ອາດີເຣັກ  ແລະ ເຊັນເປັນພະຍານໂດຍ ທ່ານ ນາງ ພາລະໄດ ສືບມາ.