ພິທີເຊັນສັນຍາສໍາປະທານພັດທະນາບໍ່ແຮ່ (ແຮ່ຄຳ) ຢູ່ເຂດບ້ານນໍ້າພອກ ເມືອງຊະນະຄາມ ແຂວງວຽງຈັນ

by | Mar 19, 2021 | ການເຄື່ອນໄຫວ | 0 comments

ໃນວັນທີ 12 ມີນາ 2021, ທີ່ກະຊວງແຜນການ ແລະ ການລົງທຶນ. ໄດ້ຈັດພິທີເຊັນສັນຍາສໍາປະທານພັດທະນາບໍ່ແຮ່ (ແຮ່ຄຳ)ໃນເນື້ອທີ່ 14,10 ກມ2 ຢູ່ເຂດບ້ານນໍ້າພອກ ເມືອງຊະນະຄາມ ແຂວງວຽງຈັນ. ເປັນກຽດເຂົ້າຮ່ວມໃນພິທີເຊັນສັນຍາໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ຈັນສອນ ແສນບຸດຕະລາດ ຮອງລັດຖະມົນຕີ ກະຊວງພະລັງງານແລະບໍ່ແຮ່, ທ່ານ ໄຊນະຄອນ ອິນທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ແຄນທອງ ສີສຸວົງ ຮອງປະທານຄະນະກຳມະການຮ່ວມມືລາວ-ຈີນ, ທ່ານ ພູວົງ ບຸນຊູ ຮອງເຈົ້າແຂວງ ແຂວງວຽງຈັນ, ທ່ານ Hu Chao Wen ອຳນວຍການບໍລິສັດ ລາວ ລີ້ຕູ້ ມາຍນິ້ງ ຈໍາກັດ ແລະ ທ່ານ ນາງ Ai Hong Mei ຮອງອຳນວຍການບໍລິສັດ ລາວ ລີ້ຕູ້ ມາຍນິ້ງ ຈໍາກັດ. ພ້ອມດຽວກັນນັ້ນ, ກໍ່ຍັງມີບັນດາທ່ານຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກຈາກສູນກາງ ແລະ ທ້ອງຖິ່ນ, ພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ໃຫ້ກຽດເຂົ້າຮ່ວມ.