ພິທີເຊັນສັນຍາ ວ່າດ້ວຍການຂຸດຄົ້ນຖ່ານຫີນ ຢູ່ເມືອງບຸນໃຕ້, ແຂວງຜົ້ງສາລີ

by | Apr 1, 2022 | ການເຄື່ອນໄຫວ | 0 comments

ໃນວັນທີ 30 ມີນາ 2022, ທີກະຊວງແຜນການ ແບະ ການລົງທຶນ ໄດ້ຈັດພິທີເຊັນສັນຍາວ່າດ້ວຍການຂຸດຄົ້ນຖ່ານຫີນ ຢູ່ບ້ານສະໂນເກົ່າ, ບ້ານສະໜາມຢາງປາ ແລະ ບ້ານນໍ້າກ້ວາງ,ເມືອງບຸນໃຕ້ ແຂວງຜົ້ງສາລີ ໃນເນື້ອທີ່ 9.36 ກິໂລຕາແມັດ ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ ໄຊມີດີ ຈໍາກັດ (ບໍລິສັດມີດີຂຸດຄົ້ນຖ່ານຫີນ ຈຳກັດ), ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ວິສອນ ລາວເມົາ ຮອງເຈົ້າແຂວງແຂວງຜົ້ງສາລີ, ພ້ອມນີ້ກໍ່ຍັງມີບັນດາ ທ່ານ ຫົວໜ້າຫ້ອງການ, ຫົວໜ້າກົມ, ຫົວໜ້າພະແນກແຜນການ ແລະ ການລົງທຶນ ແຂວງຜົ້ງສາລີ, ຮອງຫົວໜ້າພະແນກຈາກສູນກາງ ແລະ ທ່ອງຖິ່ນ,ພະນັກງານຈາກຂະແໜງການທີກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ, ໃນການເຊັນສັນຍາຄັ້ງນີ້ເພື່ອປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 62/ນຍ, ລົງວັນທີ 22 ມີນາ 2022 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ ເຊິ່ງຕາງໜ້າເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ທອງສຸກ ເປົາສຸລີ ຫົວໜ້າພະແນກແຜນການ ແລະ ການລົງທຶນ ແຂວງຜົ້ງສາລີ ຮ່ວມກັບ ບໍລິສັດ ໄຊມີດີ ຈໍາກັດ (ບໍລິສັດມີດີຂຸດຄົ້ນຖ່ານຫີນ ຈຳກັດ) ເຊິ່ງຕາງໜ້າເຊັນໂດຍ ທ່ານ ອາວູ້ ເຊັງເຊີນ ຜູ້ອຳນວຍການບໍລິສັດ ແລະ ເປັນພະຍານໂດຍ ທ່ານ ອາຈຸ່ງ ເຊັງເຊີນ ທີ່ປືກສາບໍລິສັດ ແລະ ທ່ານ ນາງ ເອີຕີ ຊ່ຽວຈະເລີນ ຮອງອຳນວຍການບໍລິສັດ.