ໃນວັນທີ 25 ກຸມພາ 2022, ທີ່ສະໂມສອນກະຊວງແຜນການ ແລະ ການລົງທຶນ, ໄດ້ຈັດພິທີເຊັນສັນຍາວ່າດ້ວຍການສຳຫຼວດ ແລະ ຂຸດຄົ້ນ,ປຸງແຕ່ງ ແຮ່ເຫຼັກ (ແບບທົດລອງ) ຢູ່ເຂດບ້ານບວມຜຸກ,ເມືອງກາສີ, ແຂວງວຽງຈັນ, ໃນເນື້ອທີ່ 1 ກີໂລຕາແມັດ ແລະ ສັນຍາວ່າດ້ວຍການມອບພັນທະແບບມອບເໝົາ ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລັດສັດ ແດງນ້ອຍ ພັດທະນາກໍ່ສ້າງຄົບວົງຈອນ ຈຳກັດຜູ້ດຽວ, ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ຫົວໜ້າພະແນກແຜນການ ແລະ ການລົງທຶນ ແຂວງວຽງຈັນ, ທ່ານ ຫົວໜ້າຫ້ອງການ, ຫົວໜ້າກົມ, ຮອງຫົວໜ້າຫ້ອງການ, ຮອງກົມ, ຫົວໜ້າພະແນກ, ຮອງຫົວໜ້າພະແນກຈາກສູນກາງ ແລະ ທ່ອງຖິ່ນ, ພະນັກງານຈາກຂະແໜ່ງການທີກ່ຽວຂ້ອງ ແລະ ຕ່າງໜ້າຈາກບໍລິສັດກໍ່ໄດ້ເຂົ້າຮ່ວມ, ໃນການເຊັນສັນຍາໃນຄັ້ງນີ້ເພື່ອປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 34/ນຍ, ລົງວັນທີ 11 ກຸມພາ 2022, ທີມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ ຕາງໜ້າເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ເຕັງເມັ່ງ ຢ່າງລືໄຊ ຫົວໜ້າພະແນກແຜນການ ແລະ ການລົງທຶນ ແຂວງວຽງຈັນ ຮ່ວມກັບ ບໍລິສັດ ແດງນ້ອຍ ພັດທະນາກໍ່ສ້າງຄົບວົງຈອນ ຈຳກັດຜູ້ດຽວ.
