ພິທີເຊັນສັນຍາ ວ່າດ້ວຍການສຳຫຼວດຖ່ານຫີນຢູ່ເຂດບ້ານວຽງໃໝ່, ບ້ານກຳປອນ ແລະ ເຊັນສັນຍາ ສຳປະທານ ວ່າດ້ວຍການສຳຫຼວດຖ່ານຫີນ ຢູ່ເຂດບ້ານນໍ້າຟ້າ, ບ້ານນໍ້າກ້ຽງ, ບ້ານນໍ້າເສືອ, ເມືອງວຽງພູຄາ, ແຂວງຫຼວງນ້ຳທາ

by | May 9, 2023 | ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 28 ເມສາ 2023, ທີ່ຫ້ອງປະຊຸມ VIP ຊັ້ນ1 ກະຊວງແຜນການ ແລະ ການລົງທຶນ, ໄດ້ຈັດພິທີເຊັນສັນຍາ ວ່າດ້ວຍການສຳຫຼວດຖ່ານຫີນ ໃນເນື້ອທີ 9,25 ກມ2 ຢູ່ເຂດບ້ານວຽງໃໝ່, ບ້ານນຳປອນ ແລະ ເຊັນສັນຍາ ສຳປະທານ ວ່າດ້ວຍການສຳຫຼວດຖ່ານຫີນ ໃນເນື້ອທີ 4,71 ກມ2 ຢູ່ເຂດບ້ານນໍ້າຟ້າ, ບ້ານນໍ້າກ້ຽງ, ບ້ານນໍ້າເສືອ, ເມືອງວຽງພູຄາ, ແຂວງຫຼວງນ້ຳທາ, ລະຫວ່າງ ລັດຖະບານແຫ່ງ ສປປລາວ ກັບບໍລິສັດ ແອວ ນໍເຕິນພັດທະນາ ຈຳກັດ ແລະ ບໍລິສັດ ພິນນາເຄີລອິນເວັສເມັນຄາປີໂຕ ຈຳກັດຜູ້ດຽວ, ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ຈັນສະຫວາດ ບຸບພາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ສີວິໄລ ປັນແກ້ວ ຮອງເຈົ້າແຂວງ ແຂວງຫຼວງນ້ຳທາ, ທ່ານ ແອໃຫຍ່ ຈັນສະຫວັດ ຮອງຫົວໜ້າພະແນກແຜນການ ແລະ ການລົງທຶນ ແຂວງຫຼວງນ້ຳທາ ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ,

ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 70/ນຍ ລົງວັນທີ 12 ເມສາ 2023, ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ຈັນສະຫວາດ ບຸບພາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ແອໃຫຍ່ ຈັນສະຫວັດ ຮອງຫົວໜ້າພະແນກແຜນການ ແລະ ການລົງທຶນ ແຂວງຫຼວງນ້ຳທາ, ຮ່ວມກັບ ບໍລິສັດ ແອວ ນໍເຕິນພັດທະນາ ຈຳກັດ, ເຊິ່ງຕາງໜ້າເຊັນໂດຍ ທ່ານ ສີທາ ພົມມະຈິດ ອຳນວຍການ ບໍລິສັດ ແອວ ນໍເຕິນພັດທະນາ ຈຳກັດ ແລະ ເຊັນເປັນພະຍານໂດຍ ທ່ານ ແພງ ດວງເງິນ ຜູ້ອຳນວຍການບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ ແລະ ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 71/ນຍ, ລົງວັນທີ 12 ເມສາ 2023, ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ຈັນສະຫວາດ ບຸບພາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ແອໃຫຍ່ ຈັນສະຫວັດ ຮອງຫົວໜ້າພະແນກແຜນການ ແລະ ການລົງທຶນ ແຂວງຫຼວງນ້ຳທາ, ຮ່ວມກັບ ບໍລິສັດ ພິນນາເຄີລອິນເວັສເມັນ ຄາປີໂຕ ຈຳກັດຜູ້ດຽວ,  ເຊິ່ງຕາງໜ້າເຊັນໂດຍ ທ່ານ ພູມສະຫວັນ ສຸນັນທອງ  ຜູ້ອຳນວຍການຝ່າຍພັດທະນາທຸລະ ກິດ ບໍລິສັດ ແອວ ນໍເຕິນພັດທະນາ ຈຳກັດ ແລະ ເຊັນເປັນພະຍານໂດຍ ວົງພະຈັນ ບົວລະພັນ ວິຊາການອາວຸໂສ ບໍລິສັດ ພູສີກໍ່ສ້າງ ແລະ ພັດທະນາ ມະຫາຊົນ.