ໃນວັນທີ 17 ກຸມພາ 2023 ທີ່ກະຊວງແຜນການ ແລະ ການລົງທຶນ ໄດ້ຈັດພິທີເຊັນສັນຍາ ສຳປະທານ ວ່າດ້ວຍການສຳຫຼວດເກືອໂປຕາສຢູ່ເຂດເມືອງໄຊທານີ ແລະ ເມືອງປາກງື່ມ ນະຄອນຫຼວງວຽງຈັນ ລະຫວ່າງລັດຖະບານແຫ່ງ ສປປ ລາວ ກັບ ກັບບໍລິສັດ Zangge Mining International Pte.Ltd ຮ່ວມກັບ ບໍລິສັດ ພີຈີເອັມ ການລົງທືນ ແຮ່ເກືອໂປຕາສ ຈຳກັດ. ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ສະຖາບັນດີດ ອີນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່. ແລະ ທ່ານ ພູຂົງ ບັນນະວົງ ຮອງເຈົ້າຄອງ ນະຄອນຫຼວງວຽງຈັນ ແລະ ທ່ານ Du Qiang ຜູ້ອຳນວຍການ ບໍລິສັດ Zangge Mining International Pte.Ltd, ທ່ານ Yan Yong ຕາງໜ້າຜູ້ອຳນວຍການບໍລິສັດ ພິຈີເອັມ ການລົງທືນ ແຮ່ເກືອ ໂປຕາສ ຈຳກັດ ແລະ ບໍລິສັດ ເອັກທີເອັນ ການລົງທືນ ແຮ່ໂປຕາສ ຈຳກັດ, ທ່ານ Shen Qian (ເຊີນ ຊຽນ) ຮອງປະທານກຸ່ມບໍລິສັດ Jiangsu Shagang Group, ທ່ານ Chen Cheng (ເຊິນ ເຊີນ) ຜູ້ອໍານວຍການບໍລິສັດ Chengdu Chuanliao juyuan industry Co., Ltd, ທ່ານ Zhang Shengshun (ຈ່າງ ເຊີນ ຊຸ້ນ) ຮອງຜູ້ອໍານວຍການ ບໍລິສັດ Zangge Mining International Pte.Ltd, ນອກຈາກນີ້ຍັງມີບັນດາຫົວໜ້າກົມ, ຫົວໜ້າຫ້ອງການ, ບັນດາພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ.
ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 25/ນຍ ແລະ 26/ນຍ, ລົງວັນທີ 09 ກຸມພາ 2023 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາຕາງໜ້າເຊັນໂດຍທ່ານ ປອ ສະຖາບັນດິດ ອີນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ປອ ນາງ ບົວວອນ ສຸກລາແສງ ຫົວໜ້າພະແນກແຜນການ ແລະການລົງທືນ ນະຄອນຫຼວງວຽງຈັນ ແລະ ຕາງໜ້າບໍລິສັດເຊັນໂດຍ ທ່ານ Zangge Mining International Pte.Ltd, ທ່ານ Yan Yong ຕາງໜ້າຜູ້ອຳນວຍການບໍລິສັດ ພິຈີເອັມ ການລົງທືນ ແຮ່ເກືອໂປຕາສ ຈຳກັດ ແລະ ບໍລິສັດ ເອັກທີເອັນ ການລົງທືນ ແຮ່ໂປຕາສ ຈຳກັດ, ທ່ານ Shen Qian (ເຊີນ ຊຽນ) ຮອງປະທານກຸ່ມບໍລິສັດ Jiangsu Shagang Group, ທ່ານ Chen Cheng (ເຊິນ ເຊີນ) ຜູ້ອໍານວຍການບໍລິສັດ Chengdu Chuanliao juyuan industry Co., Ltd ທ່ານ Zhang Shengshun (ຈ່າງ ເຊີນ ຊຸ້ນ) ຮອງຜູ້ອໍານວຍການ ບໍລິສັດ Zangge Mining International Pte.Ltd