ພິທີເຊັນສັນຍາ ໂຄງການພັດທະນາ ເມືອງອຸດສະຫະກຳທັນສະໄໝແລະ ເປັນມິດຕໍ່ສິ່ງແວດລ້ອມ ຢູ່ເມືອງນາໝໍ້ ແຂວງອຸດົມໄຊ

by | Aug 30, 2022 | Uncategorized @lo-la, ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 25 ສິງຫາ 2022, ທີ່ໂຮງແຮມແລນມາກ ນະຄອນຫຼວງວຽງຈັນ, ໄດ້ຈັດພິທີເຊັນສັນຍາ ວ່າດ້ວຍ ໂຄງການພັດທະນາ ເມືອງອຸດສະຫະກຳທັນສະໄໝ ແລະ ເປັນມິດຕໍ່ສິ່ງແວດລ້ອມ ຢູ່ເມືອງນາໝໍ້ ແຂວງອຸດົມໄຊ, ໃນເນື້ອທີ່ 3,150 ເຮັກຕາ ລະຫວ່າງ ລັດຖະບານ ແຫ່ງ ສປປ ລາວ ກັບ ບໍລິສັດ ອຳມະຕະ ຊີຕີ້ ລາວຈຳກັດ, ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ວຽງສະຫວັດ ສີພັນດອນ ລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ນາງ ຄຳຈັນ ວົງແສນບຸນ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ຄຳລາວັນ ຈັນທະລາວັນ ຮອງລັດຖະມົນຕີ  ຮອງຫົວໜ້າຫ້ອງວ່າການສຳນັກງານ

ນາຍົກລັດຖະມົນຕີ, ທ່ານ ພົງໄຊສັກ ອິນຖາລາດ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ທ່ານ ໂພໄຊ ໄຂຄຳພິທູນ ຮອງລັດຖະມົນຕີກະຊວງການຕ່າງປະເທດ, ທ່ານ ພູວົງ ຫຼວງໄຊຊະນະ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ອອ່ນແກ້ວ ອຸ່ນອາລົມ  ຮອງເຈົ້າແຂວງ ແຂວງອຸດົມໄຊ, ແລະ ຕາງໜ້າຈາກບໍລິສັດກໍ່ໄດ້ເຂົ້າຮ່ວມ

ໂດຍປະຕິບັດຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 169/ນຍ, ລົງວັນທີ 24 ສິງຫາ 2022, ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ຕາງໜ້າເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ແລະ , ທ່ານ ອອ່ນແກ້ວ ອຸ່ນອາລົມ  ຮອງເຈົ້າແຂວງ ແຂວງອຸດົມໄຊ, ຮ່ວມກັບ ບໍລິສັດ ອຳມະຕະ ຊີຕີ້ ລາວຈຳກັດ ຕາງໜ້າເຊັນໂດຍ ທ່ານ ວະລົງ ຕັງປະພຶດກຸນ ຜູ້ອຳນວຍການບໍລິສັດ ອຳມະຕະ ຊີຕີ້ ລາວຈຳກັດ, ເຊັນເປັນພະຍານໂດຍ ທ່ານ ນາງ ລີນ່າ ອື້ງ ປະທານ ບໍລິຫານຝ່າຍການລົງທຶນ.