ໃນວັນທີ 02 ເມສາ 2024, ທີ່ ກະຊວງແຜນການ ແລະ ການລົງທຶນໄດ້ມີ ພິທີເຊັນ ບົດບັນທຶກຄວາມເຂົ້າໃຈ(MOU) ເພື່ອສຶກສາສຳຫຼວດຄວາມເປັນໄປໄດ້ ໃນການພັດທະນາໂຄງການໄຟຟ້າພະລັງງານແສງຕາເວັນ ທີ່ມີກຳລັງຕິດຕັ້ງ 1,000 MV ຢູ່ເມືອງນາໝໍ້, ແຂວງ ອຸດົມໄຊ ລະຫວ່າງ ລັດຖະບານ ແຫ່ງ ສປປ ລາວ ຮ່ວມ ກັບ ບໍລິສັດ ໄຊຊະນະ ພະລັງງານ ຈຳກັດຜູ້ດຽວ, ບໍລິສັດ ອິເຕີເນຊັນນໍ ເທັກໂນໂລຊີ (ລາວ) ກຣຸບ ຈຳກັດ ແລະ ບໍລິສັດ ເອເຊຍ-ແອຟຣິກກາ ກຣີນ ເອັນເນີຈີ ອິນເວສເມັນ ຈຳກັດ . ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ນ. ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ປອ ຈັນສະຫວ່າງ ບຸນຍົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ພ້ອມດຽວກັນນີ້ກໍ່ຍັງມີບັນດາທ່ານ ຫົວໜ້າຫ້ອງການ,ຫົວໜ້າກົມ, ຮອງກົມ,ຮອງຫົວໜ້າຫ້ອງການ, ຫົວໜ້າພະແນກ, ຮອງຫົວໜ້າພະແນກ ຈາກສູນກາງ ແລະ ທ້ອງຖີ່ນ ພະນັກງານທີກ່ຽວຂ້ອງຈາກບໍລິສັດກໍ່ໄດ້ເຂົ້າຮ່ວມ.
ໂດຍອິງຕາມ ໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 59/ນຍ, ລົງວັນທີ 29 ມີນາ 2024 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າໃຫ້ລັດຖະບານ ແຫ່ງ ສປປ ລາວ ເຊັນໂດຍ ທ່ານ ນ. ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ປອ ຈັນສະຫວ່າງ ບຸນຍົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ຫົວໜ້າພະແນກແຜນການ ແລະ ການລົງທຶນ ແຂວງ ອຸດົມໄຊ ກັບ ບໍລິສັດ ໄຊຊະນະ ພະລັງງານ ຈຳກັດຜູ້ດຽວ, ບໍລິສັດ ອິເຕີເນຊັນນໍ ເທັກໂນໂລຊີ (ລາວ) ກຣຸບ ຈຳກັດ ແລະ ບໍລິສັດ ເອເຊຍ-ແອຟຣິກກາ ກຣີນ ເອັນເນີຈີ ອິນເວສເມັນ ຈຳກັດ ເຊິ່ງຕາງໜ້າເຊັນໂດຍ ທ່ານ ປະສົງ ລັດຕະນະ ບໍລິສັດ ອິເຕີເນຊັນນໍ ເທັກໂນໂລຊີ (ລາວ) ກຣຸບ ຈຳກັດ ແລະ ເຊັນເປັນພະຍານ ໂດຍ ທ່ານ YANG JIDONG ຮອງປະທານ ບໍລິສັດ ເອເຊຍ-ແອຟຣິກກາ ກຣີນ ເອັນເນີຈີ ອິນເວສເມັນ ຈຳກັດ ແລະ ທ່ານ XIE XIN ຜູ້ອຳນວຍການ ບໍລິສັດ ເອເຊຍ-ແອຟຣິກກາ ກຣີນ ເອັນເນີຈີ ອິນເວສເມັນ ຈຳກັດ