ໃນວັນທີ 21 ມິຖຸນາ 2024, ທີ່ ກະຊວງແຜນການ ແລະ ການລົງທຶນ ໄດ້ມີ ພິທີເຊັນ ບົດບັນທຶກຄວາມເຂົ້້າໃຈ MOU ກ່ຽວກັບການສຶກສາ, ອອກແບບ ແລະ ພັດທະນາລະບົບຖານຂໍ້ມູນຄຸ້ມຄອງການລົງທຶນ ຂອງກະຊວງ ແຜນການ ແລະ ການລົງທຶນ ລະຫວ່າງ ກະຊວງ ແຜນການ ແລະ ການລົງທຶນ ຮ່ວມ ກັບ ບໍລິສັດ ເອໄອດີຊີເທັກ ຈຳກັດຜູ້ດຽວ ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ເພັດ ພົມພີພັກ ລັດຖະມົນຕີ ກະຊວງ ແຜນການ ແລະ ການລົງທຶນ, ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ພອນສະຫຼີ ສຸກສະຫວັດ ຫົວໜ້າສູນສະຖິຕິແຫ່ງຊາດ ກະຊວງ ແຜນການ ແລະ ການລົງທຶນ, ພ້ອມດຽວກັນນີ້ກໍ່ຍັງມີບັນດາທ່ານຫົວໜ້າຫ້ອງການ,ຫົວໜ້າກົມ, ຮອງຫົວໜ້າກົມ,ຮອງຫົວໜ້າຫ້ອງການ, ຫົວໜ້າພະແນກ, ຮອງຫົວໜ້າພະແນກ ກະຊວງ ແຜນການ ແລະ ການລົງທຶນ ພະນັກງານທີກ່ຽວຂ້ອງຈາກບໍລິສັດກໍ່ໄດ້ເຂົ້າຮ່ວມ.
ເຊິ່ງຕາງໜ້າໃຫ້ກະຊວງ ແຜນການ ແລະ ການລົງທຶນ ເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ອຸຕະແກ້ວ ແກ້ວດວງສິນ ຫົວໜ້າຫ້ອງການ ກະຊວງ ແຜນການ ແລະ ການລົງທຶນ, ກັບ ບໍລິສັດ ເອໄອດີຊີເທັກ ຈຳກັດຜູ້ດຽວ ເຊິ່ງຕາງໜ້າເຊັນໂດຍ ທ່ານ ພຶດສະພາ ພູມມະສັກ ປະທານບໍລິສັດ ເອໄອດີຊີເທັກ ຈຳກັດຜູ້ດຽວ ເຊັນເປັນພະຍານ ໂດຍ ອາດູນ ໄຊພົມ ຮອງປະທານບໍລິສັດ ເອໄອດີຊີເທັກ ຈຳກັດຜູ້ດຽວ