ໃນວັນທີ 20 ມີນາ 2024, ທີ່ ກະຊວງແຜນການ ແລະ ການລົງທຶນໄດ້ມີ ພິທີເຊັນ ສັນຍາວ່າດ້ວຍການຂຸດຄົ້ນ ແລະ ປຸງແຕ່ງ ຖ່ານຫີນ ຢູ່ເຂດບ້ານຈີ່ໂຈະ ບ້ານສາມັກຄີໄຊ ແລະ ບ້ານນ້ຳປືນ, ເມືອງຜົ້ງສາລີ, ແຂວງຜົ້ງສາລີ . ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ ລາວເອີ້-ລາວເຕົາ ຂຸດຄົ້ົ້ນຖ່ານຫີນ ຈຳກັດ . ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ພ້ອມດຽວກັນນີ້ກໍ່ຍັງມີບັນດາທ່ານ ຫົວໜ້າຫ້ອງການ,ຫົວໜ້າກົມ, ຮອງກົມ,ຮອງຫົວໜ້າຫ້ອງການ, ຫົວໜ້າພະແນກ, ຮອງຫົວໜ້າພະແນກ ຈາກສູນກາງ ແລະ ທ້ອງຖີ່ນ ພະນັກງານທີກ່ຽວຂ້ອງຈາກບໍລິສັດກໍ່ໄດ້ເຂົ້າຮ່ວມ.
ໂດຍອິງຕາມ ໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 49/ນຍ, ລົງວັນທີ 14 ມີນາ 2024 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າໃຫ້ລັດຖະບານ ແຫ່ງ ສປປ ລາວ ເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ນາງ ຄຳມາລາ ສຸວົງ ຮອງຫົວໜ້າພະແນກ ແຜນການ ແລະ ການລົງທຶນ ແຂວງ ຜົ້ງສາລີ ກັບບໍລິສັດ ລາວເອີ້-ລາວເຕົາ ຂຸດຄົ້ົ້ນຖ່ານຫີນ ຈຳກັດ ເຊິ່ງຕາງໜ້າເຊັນໂດຍ ທ່ານ ລາວເອີ້ ລາວເຕົາ ປະທານ ບໍລິສັດລາວເອີ້-ລາວເຕົາ ຂຸດຄົ້ົ້ນຖ່ານຫີນ ຈຳກັດ ແລະ ເຊັນເປັນພະຍານ ໂດຍ ທ່ານ ຫີນເພັດ ລໍວັນຄຳ ທີ່ປຶກສາ ບໍລິສັດ ລາວເອີ້-ລາວເຕົາ ຂຸດຄົ້ົ້ນຖ່ານຫີນ ຈຳກັດ.