ໃນວັນທີ 16 ສິງຫາ 2024, ທີ່ ກະຊວງແຜນການ ແລະ ການລົງທຶນໄດ້ມີ ພິທີເຊັນ ສັນຍາວ່າດ້ວຍການຂຸດຄົ້ນ ແລະ ປຸງແຕ່ງແຮ່ເຫຼັກ (ສະບັບຕໍ່ອາຍຸສັນຍາເທື່ອທີ່2) ຢູ່ເຂດບ້ານບໍ່ແໜ່ງ, ເມືອງຫິນບູນ, ແຂວງຄຳມ່ວນ ລະຫວ່າງ ລັດຖະບານ ແຫ່ງ ສປປ ລາວ ຮ່ວມ ກັບ ບໍລິສັດ ຮ້າວຮ້ານ ບໍ່ແຮ່ຫຸ້ນສ່ວນ ຈຳກັດ ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງ ພະລັງງານ ແລະ ບໍ່ແຮ່ ພ້ອມດຽວກັນນີ້ກໍ່ຍັງມີບັນດາ ທ່ານຫົວໜ້າຫ້ອງການ, ຫົວໜ້າກົມ, ຮອງກົມ, ຮອງຫົວໜ້າຫ້ອງການ, ຫົວໜ້າພະແນກ, ຮອງຫົວໜ້າພະແນກ ຈາກສູນກາງ ແລະ ທ້ອງຖີ່ນ ພະນັກງານທີກ່ຽວຂ້ອງຈາກບໍລິສັດກໍ່ໄດ້ເຂົ້າຮ່ວມ.
ໂດຍອິງຕາມ ໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 151/ນຍ, ລົງວັນທີ 15 ກໍລະກົດ2024 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າໃຫ້ລັດຖະບານ ແຫ່ງ ສປປ ລາວ ເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທອງພັດ ອິນທະວົງ ຮອງລັດຖະມົນຕີ ກະຊວງ ພະລັງງານ ແລະ ບໍ່ແຮ່ ແລະ ທ່ານ ໝັ້ນຢືນ ຄິນສະໝອນ ຫົວໜ້າພະແນກ ແຜນການ ແລະ ການລົງທຶນ ແຂວງ ຄຳມ່ວນ ກັບ ບໍລິສັດ ຮ້າວຮ້ານ ບໍ່ແຮ່ຫຸ້ນສ່ວນ ຈຳກັດ ເຊິ່ງຕາງໜ້າເຊັນໂດຍ ທ່ານ YOU JIAMING ຜູ້ອໍານວຍການບໍລິສັດ ຮ້າວຮ້ານ ບໍ່ແຮ່ຫຸ້ນສ່ວນ ຈຳກັດ ແລະ ເຊັນເປັນພະຍານ ໂດຍ ທ່ານ PENG QIUQUAN ຮອງອໍານວຍການບໍລິສັດ ຮ້າວຮ້ານ ບໍ່ແຮ່ຫຸ້ນສ່ວນ ຈຳກັດ