ພິທີເຊັນ ສັນຍາວ່າດ້ວຍຂະຫຍາຍເນື້ອທີ່ສຳປະທານ ໂຄງການສຳຫຼວດແຮ່ເຫຼັກ ໃນເນື້ອທີ່ ຈຳນວນ 8 km2 ຢູ່ເຂດບ້ານ ນາແລ້ງ, ເມືອງ ຫົວເມືອງ, ແຂວງ ຫົວພັນ

Mar 22, 2024 | ການເຄື່ອນໄຫວ, ຂ່າວເດັ່ນ

ໃນວັນທີ  20 ມີນາ 2024, ທີ່ ກະຊວງແຜນການ ແລະ ການລົງທຶນໄດ້ສັນຍາວ່າດ້ວຍຂະຫຍາຍເນື້ອທີ່ສຳປະທານ ໂຄງການສຳຫຼວດແຮ່ເຫຼັກ ໃນເນື້ອທີ່ ຈຳນວນ 8 km2 ຢູ່ເຂດບ້ານ ນາແລ້ງ, ເມືອງ ຫົວເມືອງ, ແຂວງ ຫົວພັນ. ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່  ຈຳກັດຜູ້ດຽວ . ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ພ້ອມດຽວກັນນີ້ກໍ່ຍັງມີບັນດາທ່ານ ຫົວໜ້າຫ້ອງການ,​ຫົວໜ້າກົມ, ຮອງກົມ,​ຮອງຫົວໜ້າຫ້ອງການ, ຫົວໜ້າພະແນກ, ຮອງຫົວໜ້າພະແນກ ຈາກສູນກາງ ແລະ ທ້ອງຖີ່ນ ພະນັກງານທີກ່ຽວຂ້ອງຈາກບໍລິສັດກໍ່ໄດ້ເຂົ້າຮ່ວມ.

ໂດຍອິງຕາມ ໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 500/ນຍ, ລົງວັນທີ 11 ມີນາ 2024 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນສັນຍາ, ເຊິ່ງຕາງໜ້າໃຫ້ລັດຖະບານ ແຫ່ງ ສປປ ລາວ ເຊັນໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ຄອນທອງ ມະນີວອນ ຫົວໜ້າພະແນກ ແຜນການ ແລະ ການລົງທຶນ ແຂວງ ຫົວພັນ ກັບ ບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່  ຈຳກັດຜູ້ດຽວ ເຊິ່ງຕາງໜ້າເຊັນໂດຍ ທ່ານ ຄອນສະຫວັນ ແກ້ວມູນຕີ ປະທານ ບໍລິສັດບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່  ຈຳກັດຜູ້ດຽວ ແລະ ເຊັນເປັນພະຍານ ໂດຍ ທ່ານ ເພັດສີລາພອນ ພອນວິໄລ ຮອງອຳນວຍການ ບໍລິສັດ ໄຊສົມບູນ ຈະເລີນຊັບ ກໍ່ສ້າງຂົວ-ທາງ ແລະ ບໍ່ແຮ່  ຈຳກັດຜູ້ດຽວ.