ສຶກສາ-ສຳຫຼວດຄວາມເປັນໄປໄດ້ ໂຄງການພັດທະນາແຫຼ່ງທ່ອງທ່ຽວ ຢູ່ແຂວງຈຳປາສັກ

by | Nov 24, 2021 | ການເຄື່ອນໄຫວ | 0 comments

ໃນວັນທີ 18 ພະຈິກ 2021, ທີ່ກະຊວງແຜນການ ແລະ ການລົງທຶນ, ນະຄອນຫຼວງວຽງຈັນ, ໄດ້ຈັດພິທີເຊັນບົດບັນທຶກຄວາມເຂົ້າໃຈ MOU ເພື່ອສຶກສາສຳຫຼວດຄວາມເປັນໄປໄດ້ຂອງໂຄງການພັດທະນາແຫຼ່ງທ່ອງທ່ຽວທີ່ຕິດພັນກັບເຂດພູເທວະດາ ຢູ່ພູພຽງບໍລິເວນ, ເມືອງປາກຊ່ອງ, ແຂວງຈຳປາສັກ ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ Guanyang International Holding Limited, ເປັນກຽດເຂົ້າຮ່ວມໃນພິທີເຊັນບົດບັນທຶກໂດຍ ທ່ານ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ຫົວໜ້າຫ້ອງການ, ທ່ານ ຫົວໜ້າກົມ, ຮອງກົມ, ຫົວໜ້າພະແນກ, ຮອງຫົວໜ້າພະແນກຈາກສູນກາງ ແລະ ທ້ອງຖິ່ນ, ພະນັກງານຈາກຂະແໜ່ງການທີກ່ຽວຂ້ອງ ແລະ ຕາງໜ້າຈາກບໍລິສັດກໍ່ໄດ້ໃຫ້ກຽດເຂົ້າຮ່ວມ, ໃນການເຊັນບົດບັນທຶກໃນຄັ້ງນີ້ໂດຍອິງຕາມໃບມອບສິດ ຂອງທ່ານ ນາຍົກລັດຖະມົນຕີ ສະບັບເລກທີ 180/ນຍ, ລົງວັນທີ 25 ຕຸລາ 2021 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນບົດບັນທຶກ, ເຊິ່ງຕາງໜ້າເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມື ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານ ສົມແພງ ພົມມີໄຊ ຮອງຫົວໜ້າພະແນກແຜນການ ແລະ ການລົງທຶນ ແຂວງຈຳປາສັກ ຮ່ວມກັບ ບໍລິສັດ Guanyang International Holding Limited.