ໃນວັນທີ 20 ຕຸລາ 2021, ທີ່ກະຊວງແຜນການ ແລະ ການລົງທຶນ, ນະຄອນຫຼວງວຽງຈັນ, ໄດ້ຈັດພິທີເຊັນບົດບັນທຶກຄວາມເຂົ້າໃຈ (MOU) ໃນການສືກສາ-ສໍາຫຼວດອອກແບບກໍ່ສ້າງພັດທະນາເຂດເສດຖະກິດຕົວເມືອງທັນສະໄໝ ຊາຍແດນສາມລ່ຽມເສດຖະກິດ (CLV) ຢູ່ດ່ານສາກົນພູເກືອ ເມືອງພູວົງ, ແຂວງອັດຕະປື, ລະຫວ່າງ ລັດຖະບານ ແຫ່ງ ສປປ ລາວ ຮ່ວມກັບ ບໍລິສັດ ພັດທະນາອັດຕະປື ຄົບວົງຈອນ ຈຳກັດຜູ້ດຽວ, ເປັນກຽດເຂົ້າຮ່ວມໃນພິທີເຊັນບົດບັນທຶກ ໂດຍທ່ານ ຮອງລັດຖະມົນຕີ, ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າກົມ, ຮອງກົມ, ຫົວໜ້າພະແນກ,ຮອງຫົວໜ້າພະແນກຈາກສູນກາງ ແລະ ທ້ອງຖິ່ນ, ພະນັກງານຈາກຂະແໜງການທີ່ກ່ຽວຂ້ອງ ແລະ ຕາງໜ້າຈາກບໍລິສັດ ກໍ່ໄດ້ໃຫ້ກຽດເຂົ້າຮ່ວມ, ໃນການເຊັນບົດບັນທຶກໃນຄັ້ງນີ້ ເພື່ອປະຕິບັດຕາມໃບມອບສິດ ຂອງທ່ານ ນາຍົກລັດຖະມົນຕີ ສະບັບເລກທີ152/ນຍ, ລົງວັນທີ 07 ກັນຍາ 2021 ທີ່ມອບສິດໃຫ້ກະຊວງແຜນການ ແລະ ການລົງທຶນ ເປັນຜູ້ເຊັນບົດບັນທຶກ, ເຊີ່ງຕາງໜ້າເຊັນໂດຍ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມືສາກົນ ກະຊວງຖະແຫຼ່ງຂ່າວ, ວັດຖະນະທຳ ແລະ ທ່ອງທ່ຽວ ແລະ ພະແນກແຜນການ ແລະ ການລົງທຶນ ແຂວງອັດຕະປື ຮ່ວມກັບບໍລິສັດ ພັດທະນາອັດຕະປື ຄົບວົງຈອນ ຈຳກັດຜູ້ດຽວ.
ສຶກສາ-ສຳຫຼວດ ອອກແບບກໍ່ສ້າງພັດທະນາເຂດເສດຖະກິດຕົວເມືອງທັນສະໄໝ ຊາຍແດນສາມລ່ຽມເສດຖະກິດ (CLV) ຢູ່ດ່ານສາກົນພູເກືອ ເມືອງພູວົງ, ແຂວງອັດຕະປື
