ຮອງລັດຖະມົນຕີ ກະຊວງແຜນການ ແລະ ການລົງທຶນ ຕ້ອນຮັບຜູ້ຈັດການໜ່ວຍງານການສຶກສາປະຈຳພາກພື້ນອາຊີປາຊີຟິກ ຂອງ ກຸ່ມທະນາຄານໂລກ

by | Sep 9, 2022 | Uncategorized @lo-la, ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 6 ກັນຍາ 2022, ທີ່ກະຊວງແຜນການ ແລະ ການລົງທຶນ, ກົມ​ຮ່ວມ​ມື​ສາ​ກົນທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະ ການລົງທຶນ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຄຣີສຕຽນ ເອໂດ, ຜູ້ຈັດການໜ່ວຍງານການສຶກສາປະຈຳພາກພື້ນອາຊີປາຊີຟິກ ຂອງ ກຸ່ມທະນາຄານໂລກ ພ້ອມຄະນະ ໃນໂອກາດ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ.

ຈຸດປະສົງໃນການເຂົ້າຢ້ຽມຂ່ຳນັບ ໃນຄັ້ງນີ້ ແມ່ນ ເພື່ອປຶກສາຫາລື ກ່ຽວກັບ ວຽກງານການສຶກສາທີ່ທະນາຄານໂລກ ໄດ້ໃຫ້ການສະໜັບສະໜູນ ເປັນຕົ້ນແມ່ນ ຜົນສຳເລັດ ແລະ ສິ່ງທ້າທາຍ ຂອງ ສ ປປ ລາວ ຕໍ່ກັບ ວາລະການລົງທຶນ ໃນຂົງເຂດທຶນ ທາງດ້ານຊັບພະຍາກອນມະນຸດ (Human Capital agenda) ແລະ ການກະກຽມກອງປະຊຸມ ສຸດຍອດ ຂອງ ວຽກງານດັ່ງກ່າວ ທີ່ຄາດໝາຍກະກຽມຈະຈັດຂື້ນ ໃນຊ່ວງທ້າຍ ເດືອນ ພະຈິກ ຫາ ຕົ້ນເດືອນ ທັນວາ 2022 ທີ່ຈະມາເຖິງນີ້.

ໂອກາດນີ້, ທ່ານ ນາງ ພອນວັນ ອຸທະວົງ ກໍໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ທ່ານ ຄຣີສຕຽນ ເອໂດ ທີ່ໄດ້ນຳພາຄະນະ ເດີນທາງມາຢ້ຽມຢາມ ແລະ ເຮັດ ວຽກ ຢູ່ ສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນເຂົ້າໃນການຮັດແໜ້ນການພົວພັນຮ່ວມມື ລະຫວ່າງ ສປປ ລາວ ແລະ ໜ່ວຍງານການສຶກ ສາປະຈຳພາກ ພື້ນອາ ຊີປາຊີຟິກ ຂອງ ກຸ່ມທະນາຄານໂລກ ໃຫ້ໄດ້ຮັບການພັດທະນາ ຂຶ້ນໄປເລື້ອຍໆ, ພ້ອມທັງສະແດງຄວາມຂອບໃຈ ຕໍ່ໜ່ວຍງານການສຶກສາປະຈຳພາກພື້ນອາຊີປາຊີຟິກ ກໍຄືທະ ນາຄານໂລກ ທີ່ໄດ້ໃຫ້ການສະໜັບສະໜູນ, ຊ່ວຍເຫລືອແກ່ ສປປ ລາວ ມາໂດຍຕະ ຫລອດ ໃນທຸກຂົງເຂດວຽກງານ ໂດຍສະເພາະ ຂົງເຂດດ້ານການສຶກສາ, ພັດທະນາຊັບພະຍາກອນມະນຸດ ແລະ ອື່ນໆ.