ສຶກສາສຳຫຼວດ, ຂຸດຄົ້ນ, ປຸງແຕ່ງ ແລະ ສົ່ງອອກແຮ່ເຫຼັກ (ແບບທົດລອງ)ຢູ່ແຂວງຫົວພັນ

by | Feb 1, 2023 | ການເຄື່ອນໄຫວ, ຂ່າວເດັ່ນ | 0 comments

ໃນວັນທີ 27 ມັງກອນ 2023, ທີກະຊວງແຜນກາ່ນ ແລະ ການລົງທຶນ ໄດ້ຈັດພິທີເຊັນສັນຍາສຳຫຼວດ, ຂຸດຄົ້ນ, ປຸງແຕ່ງ ແລະ ສົ່ງອອກແຮ່ເຫຼັກ (ແບບທົດລອງ) ໃນເນື້ອທີ່ 100 ເຮັກຕາ ຢູ່ເຂດບ້ານພູນໃໝ່, ເມືອງວຽງໄຊ, ແຂວງຫົວພັນ ລະຫວ່າງ ລັດຖະບານ ແຫ່ງ ສປປ ລາວ ກັບ ບໍລິສັດ ຊັບຈະເລີນກໍ່ສ້າງ ຈຳກັດຜູ້ດຽວ. ເປັນກຽດເຂົ້າຮ່ວມໃນພິທີເຊັນສັນຍາຄັ້ງນີ້ໂດຍທ່ານ ປອ. ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ມີບັນດາທ່ານ ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າກົມ, ຮອງກົມ, ຫົວໜ້າພະແນກ, ຮອງຫົວໜ້າພະແນກຈາກສູນກາງ ແລະ ທ້ອງຖິ່ນ, ຜູ້ຕາງໜ້າຈາກບໍລິສັດກໍ່ໄດ້ເຂົ້າຮ່ວມ.

ໂດຍອີງຕາມໃບມອບສິດຂອງທ່ານ ນາຍົກລັດຖະມົນຕີ ສະບັບເລກທີ 279/ນຍ, ລົງວັນທີ 16 ທັນວາ 2022 ທີ່ມອບສິດໃຫ້ ກະຊວງແຜນການ ແລະ ການລົງທຶນເປັນຜູ້ເຊັນສັນຍາ ເຊິງຕາງໜ້າເຊັນໂດຍ ທ່ານ ປອ. ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ພອນປະດິດ ສໍວັນໄຊ ຮອງຫົວໜ້າພະແນກແຜນການ ແລະ ການລົງທຶນ ແຂວງຫົວພັນ ຮ່ວມກັບ ບໍລິສັດ ຊັບຈະເລີນກໍ່ສ້າງ ຈຳກັດຜູ້ດຽວ ຕາງໜ້າເຊັນໂດຍ ທ່ານ ຄຳແດງ ຄຳມະນີວົງ ອຳນວຍການບໍລິສັດ ແລະ ເຊັນເປັນພະຍານໂດຍ ທ່ານ ຈາງເວີນລີ ປະທານບໍລິສັດ ແອວຊີ ມາຍນີ້ງ ຈຳກັດ, ທ່ານ  ກິນ້ອຍ ວິວົງພັນ.